धनकुटा । धनकुटाबाट प्रहरीले तरकारी बोक्ने गाडीबाट ५ सय ४४ केजी गाँजा बरामद गरेको छ ।प्रहरीले धनकुटाको साँगुरीगढी गाउँपालिका–६, भेडेटारबाट तरकारी बोक्ने गाडीबाट ५ सय ४४ केजी गाँजा बरामद गरेको हो।
बिज्ञापन
धनकुटाबाट धरानतर्फ तरकारी लिएर जाँदै गरेको को १ ख ३२९४ नम्बरको मिनी ट्रक चेकजाँचका क्रममा उक्त परिमाणको गाँजा बरामद गरिएको धनकुटा प्रहरीले जनाएको छ ।
बिज्ञापन
तरकारीको बोराभित्र १८ वटा पोकामा राखिएको गाँजा बरामद भएको इलाका प्रहरी कार्यालय भेडेटारले जनाएको छ ।मिनीट्रक प्रहरीको नियन्त्रणमा छ । शंकास्पद रहेको गाडी चेक गर्ने क्रममा चालक फरार भएपछि खोजतलास गर्दा फेला पर्न नसकेको प्रहरीले जनाएको छ ।
बिज्ञापन
