यातायात व्यवस्था विभागमा कार्यरत सिभिल इञ्जिनियर १४० दिनदेखि गायब भएपछि भौतिक पूर्वाधार तथा यातायात मन्त्रालयले खोजी तिव्र पारेको छ ।
यातायात व्यवस्था विभागमा कार्यरत नेपाल इञ्जिनियरिङ सेवा,सिभिल समूह,हाइवे उपसमूहको राहुल पञ्जियार (कर्मचारी संकेत नम्बर २४५६८२ रहेका पञ्जियार चार महिनादेखि सम्पर्कविहिन रहेका कारण उनलाई १५ दिनभित्र स्पष्टीकरण पेश गर्न भनिएको छ ।
बिज्ञापन
गत मंसिरदेखि बिना जानकारी गैरहाजिर रहेका उनलाई भौतिक पूर्वाधार तथा यातायात मन्त्रालयले आज सार्वजनिक सूचना निकालेर तीस दिनभित्र लिखित स्पष्टीकरण बुझाउन निर्देशन दिएको हो । अन्यथा, भविष्यमा सरकारी सेवाका निमित्त अयोग्य नठहरिने गरी सेवाबाट हटाउने मन्त्रालयको चेतावनी छ ।
बिज्ञापन
‘तपाईंलाई निजामती सेवा ऐन, २०४९ को दफा ६१ (१) (छ) को कसुरमा सोही ऐनको दफा ५९ (ख) (१) बमोजिम भविष्यमा सरकारी सेवाका निमित्त अयोग्य नठहरिने गरी सेवाबाट किन नहटाउने ? सूचनामा भनिएको छ, ‘सेवाबाट हटाउनु नपर्ने उचित र पर्याप्त कारण भए यो सूचना प्रकाशित भएको मितिले ३० दिनभित्र यस मन्त्रालयसमक्ष आफ्नो स्पष्टीकरण पेश गर्न सूचित गरिन्छ ।’
सिभिल इञ्जिनियर पंजियार साढे तीन महिनादेखि गैरहाजिर रहेको मन्त्रालयले जनाएको छ । गत मंसिर १२ गतेदेखि पुस १ गतेसम्म बिदा स्वीकृत गराएका उनी पुस ४ गते विभागमा हाजिर हुनुपर्नेमा बिना सूचना अनुपस्थित रहेको सूचनामा उल्लेख छ ।
बिज्ञापन
