डडेलधुराका प्रमुख प्रशासकीय अधिकृतमाथि दुर्व्यवहार भएको घटना साम्य नहुँदै फेरि धादिङको सिद्धलेक गाउँपालिकाका निमित्त प्रमुख प्रशासकीय अधिकृतमाथि दुर्व्यवहार भएको छ ।
बिज्ञापन
मंगलबार गाउँपालिका अध्यक्ष परशुराम खतिवडाले पालिकास्तरको सर्वदलीय बैठक बोलाएका थिए । दिउँसो शुरु भएको बैठक साँझ ७ बजेसम्म चलेको थियो । बैठकपछि गिरीले वलीको कार्यकक्षमा पुगेर फाइलमा तुरुन्त तोक लगाउन निर्देशन दिए । तर, वलीले म यो फाइल अध्ययन गरेर मात्र निर्णय गर्छु भनेर जबाफ दिँदा तँ कसरी डाक्टर भइस,तेरो टाउको फुटाइदिन्छु भन्ने जस्ता शब्द प्रयोग गरेको प्रत्यक्षदर्शीहरुले बताएका छन् ।
बिज्ञापन
नेपाली काँग्रेस सिद्धलेक गाउँ पार्टी सभापति रामशरण गिरीले वलीमाथि उनकै कार्यकक्षमा अभद्र व्यवहार गरिएको बताइएको छ । फाइलमा तोक लगाउने विषयमा विवाद भएपछि गिरीले दुर्व्यवहार गरेको प्रत्यक्षदर्शीहरुको भनाई छ ।
उक्त घटनापछि नेकपा माओवादी केन्द्रको सिद्धलेक गाउँपालिका कमिटीका अध्यक्ष पुष्प थपलियाले विज्ञप्ति जारी गरेर प्रमुख प्रशासकीय अधिकृत वलीमाथि भएको दुर्व्यवहारप्रति विरोध जनाएका छन् । गिरीले ‘तेरो टाउको फुटाइदिन्छु, तँ कसरी डाक्टर भइस्’,‘तँ झोला बोकेर गइहाल यहाँबाट’, लगायत अपशब्द बोलेर गालीगलौज गरेको थपलियाद्धारा जारी विज्ञप्तीमा उल्लेख गरिएको छ ।
बिज्ञापन
थपलियाले कर्मचारीहरुको सुरक्षाको ग्यारेन्टी गर्न, घटना नदोहोरिने सुनिश्चितता गर्न र घटनाको सिसीटिभी फुटेज सार्वजनिक गर्न माग गरेका छन् ।
