काठमाडौं महानगरपालिकाले विभिन्न ३४ विधामा ४ हजार व्यक्तिलाई साइबर सेक्युरिटी तालिम दिने भएको छ ।महानगरपालिकाले यही २ माघबाट तालिम दिन लागेको जनाइएको छ ।
बिज्ञापन
महानगरपालिकाका अनुसार तालिम काठमाडौं महानगरले इसी काउन्सिल र ग्याप टेक्नोलोजिजसँगको सहकार्यमा प्रदान गर्न लागिएको हो ।
बिज्ञापन
साइबर सेक्युरिटी तालिममा स्मार्ट फोन, इमेलहरुमा प्राप्त हुने म्यासेज तथा सूचना, इन्टरनेट जडान भएका उपकरण र यसमा प्रयोग हुने एप्लिकेसनहरुको आधिकारिकता, जोखिमका विषयमा सिकाइनेछ ।यस्का अलवा प्रोग्रामिङ्ग, नेटवर्किङ् र डाटा भण्डारणका लागि क्लाउडका आधारभूत पक्ष समेत तालिममा सिकाइने महानगरले जनाएको छ ।
तालिमबाट व्यक्तिलाई सम्भावित साइवर अपराधबाट बचाउँछ भने सिपबाट रोजगार क्षेत्रमा आवद्ध हुन सकिने महानगरपालिकाले जनाएको छ ।
बिज्ञापन
साइबर सुरक्षाका लागि काम गर्न इच्छुक विद्यार्थी र पेसाकर्मीहरुले तालिम लिनसक्ने काठमाडौ महानगरपालिकाले जनाएको छ । यसपछि इलेक्ट्रिसियन, उद्यमशील विकास, सहकारी व्यवस्थापन, फेसन डिजाइनिङ् र टेलरिङका तालिम सुरु हुँदैछन् ।
