अख्तियार दुरुपयोग अनुसन्धान आयोगले नापी कार्यालय चावहिल २ नम्बर नापी टोलीका अमिन टोपजङ खत्रीविरुद्ध भ्रष्टाचार मुद्धा दायर गरेको छ । आयोगले गत असार २ १ लाख ६० हजार रुपैयाँ घुससहित नियन्त्रणमा लिएको खत्रीविरुद्ध आज विशेष अदालतमा मुद्धा लगेको हो ।
बिज्ञापन
जग्गा हालसाविक गरी जग्गाधनी पुर्जा बनाइदिने बहानामा सेवाग्राहीसँग घुस लिइरहेको अवस्थामा टङ्गालबाट खटिएको टोलीले अमिन खत्रीलाई काठमाडौंको गोकर्णेश्वर नगरपालिका वडा नम्बर ४ माकालवारीस्थित कार्यालयबाट नियन्त्रणमा लिएकोमा एक महिना पछि उनीविरुद्ध विशेषमा मुद्धा लगिएको हो ।
बिज्ञापन
खत्रीले जग्गा हालसाविक गरी जग्गाधनी पूर्जा बनाईदिन सहजीकरण गरिदिने भनी सेवाग्राहीसँग घुस तथा रिसवत माग गरेको भन्ने सूचना एवं उजुरी निवेदनका आधारमा अख्तियार दुरूपयोग अनुसन्धान आयोग, टङ्गालबाट खटिई गएको टोलीले रंगेहात नियन्त्रणमा लिएको थियो ।
आयोगले खत्रीविरुद्ध भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुर भएको हुँदा निजलाई बिगो एक लाख साठी हजार रूपैयाँ कायम गरी सोही ऐनको दफा ३ को उपदफा (१) अनुसार कैद र सोही ऐनको दफा ३ को उपदफा ९१० बमोजिम बिगोबमोजिम जरिवाना सजाय हुन मागदाबी लिइएको छ ।
