बिज्ञापन

बिज्ञापन

यसरी राजीनामा दिनेमा प्रधानमन्त्री तथा मन्त्रिपरिषद्को कार्यालयमा कार्यरत रहेकी सहसचिव शिवादेवी दाहाल,राष्ट्रिय योजना आयोगका सहसचिव लोकप्रसाद न्यौपाने र दाङको तुलसीपुर उपमहानगरपालिकाको प्रमुख प्रशासकीय अधिकृत टेकनारायण पौडेलसम्म छन् । स्वास्थ्य समस्याको कारण देखाउँदै चार महिना लामो घर बिदामा बसेकी दाहालले जागिर अवधि तीन बर्ष बाँकी छँदै राजीनामा दिएकी हुन ।

प्रधानमन्त्री कार्यालयको नतिजा व्यवस्थापन महाशाखाकी प्रमुखसमेत रहेकी दाहाल गत वैशाख पाँच गतेदेखि करिब तीन महिना लामो बिदा लिएर बसेकी थिइन । पछिल्लो पाँच वर्षदेखि प्रधानमन्त्री कार्यालयमा कार्यरत दाहालले स्वास्थ्य समस्याका कारण बिदामा बसेकी थिइन । बिदा सकिएसँगै उनले सरकारी सेवाबाटै राजीनामा दिएकी हुन । अनिवार्य अवकाशमा जान झण्डै तीन वर्ष बाँकी रहे पनि स्वास्थ्यको समस्याको कारण देखाउँदै उनले राजीनामा दिएकी हुन । यस्तै डेढ बर्ष जागिर अवधि बाँकी रहेका सहसचिव लोकप्रसाद न्यौपाने र ६ महिना अघि मात्र सहसचिवमा बढुवा भएका टेकनारायण पौडेलले पनि १६ महिना जागिर अवधि बाँकी छँदै राजीनामा ठेलेका हुन ।

उता हालैमात्र भूमि व्यवस्था सहकारी संघीय मामिला तथा सामान्य प्रशासनको बरण्डामा पुगेका उपसचिव जिवन सेढाइले समेत राजीनामा दिएका छन् । जागिर अवधि महिना दिन मात्र बाँकी रहेका सेढाइलाई हालैमात्र भूमि मन्त्रालयबाट अतिरिक्त समूहमा सारेसँगै उनले पनि राजीनामा दिएका हुन ।