लोकसेवा आयोगका अध्यक्ष माधवप्रसाद रेग्मी आजदेखि अवकाशमा गई पदमुक्त हुने भएका छन् । ७८ सालमा केपी शर्मा ओली प्रधानमन्त्री हुँदा अध्यादेशमार्फत विभिन्न संवैद्यानिक निकायमा नियुक्ति गरिँदा झापा गौरादह–३ का पूर्व सचिव रेग्मीलाई लोक सेवा आयोगको अध्यक्ष पदमा नियुक्ति गरेको थियो । ७८ साल असार १० गतेदेखि लोकसेवा आयोगको अध्यक्षमा नियुक्ति पाएका उनी पाँच बर्ष कार्यकाल पूरा गरि अवकाशमा गएका हुन । उनी २०३७ साल वैशाख ९ गते अस्थायी डिठ्ठा भएर सरकारी सेवा सुरु गरेका उनी सोही वर्ष स्थायी खरिदार बनेका थिए । २०६८ साल साउन ११ गते सचिव बनेका थिए । सचिवको रुपमा पूरै पाँच वर्ष कार्यकाल पूरा गरेर उनी ५४ वर्षको उमेरमा लोक सेवा आयोगबाटै रिटायर्ड भएका थिए । न्यायाधीश कुमार रेग्मीका सहोदर भाइ हुन ।
बिज्ञापन
अध्यक्ष र सदस्यहरुको कार्यकाल ६ वर्षको हुने भए पनि रेग्मी ६५ बर्षे उमेर हद लागेर अवकाशमा जान लागेका हुन । संवैधानिक निकायमा नियुक्त हुने पदाधिकारीहरु ६५ वर्ष पुगेपछि अवकाश हुने कानुनी प्रावधान छ ।
बिज्ञापन
सोही कानुनी प्रावधान अनुसार रेग्मी आयोगको अध्यक्षबाट अवकाशमा गएसँगै उनी पछिको बरियतामा रहेका माधव बेलवासे निमित्त अध्यक्षको रुपमा काम गर्नेछन् । बेलबासे खानेपानी मन्त्रालयबाट अवकाश प्राप्त सचिव हुन । उनी ३३ वर्ष ३ महिना २० दिन सेवा गरेर अवकाश पाएका थिए ।
बिज्ञापन
