मन्त्रिपरिषद्को बैठकले नियुक्ति,म्याद थप्ने लगायतका महत्वपूर्ण निर्णयहरु गरेको छ ।
बिज्ञापन
आज अपरान्ह सिंहदरबारमा बसेको क्याविनेट बैठकले संंविधान संशोधन बहस पत्र तयार गर्न गठित कार्यदलको समय थपिएको छ ।शुक्रबार बसेको मन्त्रिपरिषद्को बैठकले कार्यदलको म्याद एक महिना थपेको हो। गत चैत १६ गते बसेको मन्त्रिपरिषद् बैठकले प्रधानमन्त्रीका राजनीतिक सल्लाहकार असिम शाहको संयोजकत्वमा कार्यदल गठन गरेकोमा सो कार्यदलको म्याद थप भएको हो ।
बिज्ञापन
यस्तै सरकारले विगत ३१ वर्षअघि सिफारिस भएर पनि हालसम्म कार्यान्वयनमा आउन नसकेको “सरकारी तथा सार्वजनिक जग्गा छानबिन एवं संरक्षणसम्बन्धी उच्चस्तरीय आयोग” (रावल आयोग) को प्रतिवेदन, २०५२ लाई कार्यान्वयनमा लैजाने निर्णय गरेको छ । सर्वोच्च अदालतको आदेशलाई टेकेर देशभर रहेका सरकारी तथा सार्वजनिक जग्गाको व्यवस्थित अभिलेख (लगत) राखी त्यस्ता जग्गाको संरक्षण गर्ने निर्णय पनि मन्त्रिपरिषद् बैठकले गरेको छ। मन्त्रिपरिषद् बैठकले यी दुवै निर्णय कार्यान्वयनका लागि भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयलाई निर्देशन दिएको छ।
यस्तै सरकारले लेखामान बोर्डको अध्यक्षमा रमेशकुमार धिताललाई मनोनयन गरेको छ । शुक्रबार बसेको मन्त्रिपरिषद् बैठकले धिताललाई अध्यक्षमा मनोनयन गरेको हो ।
बिज्ञापन
