निजामती कर्मचारीहरुले बिदा दुरुपयोग गरेको पाइएको छ । कर्मचारीहरुको अभिलेख राख्दै आएको निजामती किताबखानाको अनुसार सात हजार ५१ कर्मचारीहरु अहिले बिदामा छन् । कर्मचारीहरुले अध्ययन बिदा अन्तर्गत तलबी अध्ययन बिदा,बेतलबी बिदा पाउने गर्दछन् । यस्तै असाधरण बिदा,असाधरण तलबी बिदा र बेतलबी बिदा सुविधा पाउने गर्दछन् । जस अनुसार,असाधारण, तलबी असाधारण, तलबी अध्ययन, बेतलबी अध्ययन र बेतलबी बिदा लिने कर्मचारीको संख्या हो । विभिन्न पाँच प्रकारका बिदाको विवरण केलाउँदा कतिपय कर्मचारीले बिदा सुविधा दुरुपयोग गरेको आशंका पछि भूमि व्यवस्था, सहकारी ,संघीय मामिला तथा सामान्य मन्त्रादलयले विभिन्न् मन्त्रालय,कार्यालय,आयोगका कर्मचारी प्रशासन महाशाखा र शाखा हेर्दै आएका प्रमुखहरुलाई बोलाएर यस बिषयमा कडाइ गर्न चेतावनी दिएको छ । विदामा बसेर सम्पर्कविहीन भएका कर्मचारीको अभिलेख तत्काल शुद्धीकरण गर्न र कैफियत देखिए बर्खास्त गर्न समेत मन्त्रालयले निर्देशन दिएको छ ।
बिज्ञापन
किताबखानाको अभिलेख प्रणालीअनुसार तलबी अध्ययन बिदा लिने कर्मचारीको संख्या चार हजार ३२ जना रहेको छ ७३१ जनाको मात्रै वैधानिक अवस्था पुष्टि भएको, बाँकी ३ हजार ४ सय १ जनाको अवस्था अज्ञात छ । त्यस्तै, यस्तै अध्ययन बिदा बेतलबीमा बसेका १४४५ जना कर्मचारीहरुमध्ये १६७ जनाले मात्र अभिलेख शुद्धीकरण गराएका छन् अर्थात तिनका बिदा वैद्यानिक देखिएको छ । यस्तै असाधारण बिदामा बसेका १४४९ कर्मचारीहरुमध्ये किताबखानामा ९५ जना कर्मचारीको मात्र अभिलेख अपडेट गराएका छन् । बेतलबी बिदामा रहेका १८ र असाधरण बिदामा सात जना कर्मचारीहरु रहेका छन् ।यस हिसाबले बिदामा रहेका ७०५१ जना कर्मचारीहरुमध्ये ९९३ जना मात्र वैद्यानिक रहेको र बाँकी ६ हजार ६८ कर्मचारीहरु सम्पर्कमा नरहेको जनाइएको छ ।
बिज्ञापन
सामान्य प्रशासन मन्त्रालयमा आयोजित छलफलमा १७ वटै मन्त्रालयका प्रशासन महाशाखा प्रमुख सहसचिवहरू सहभागी थिए । छलफलमा मन्त्री रावलले अध्ययन, बेतलबी तथा असाधारण विदामा रहेका कर्मचारीको वास्तविक अवस्था यथाशीघ्र अद्यावधिक गर्न, कानुनविपरीत विदामा बसेका वा लामो समय सम्पर्कमा नआएका कर्मचारीमाथि आवश्यक कारबाही अघि बढाउन निर्देशन दिएको छ । संघीय मामिला तथा सामान्य प्रशासन मन्त्रालयले तीन दिनभित्र कर्मचारीको बिदासम्बन्धीका विवरण बुझाउन निजामती किताबखानालाई निर्देशन दिएको छ । यसैबीच राष्ट्रिय किताबखाना (निजामती) ले बिहीबार नै १७ वटै मन्त्रालयलाई पत्राचार गर्दै आफ्नो मातहतमा विदामा रहेका कर्मचारीहरूको वास्तविक अवस्था, कार्यस्थिति र सम्पर्क विवरण तत्काल पठाउन भनेको छ ।
किताबखानाले सम्पर्कविहीन रहेका ६ हजार ५८ कर्मचारीको नामावलीसहित सम्बन्धित मन्त्रालयमा विवरण पठाइसकेको जनाएको छ । अब मन्त्रालयहरूले ती कर्मचारीको वास्तविक अवस्था पुष्टि गर्नुपर्नेछ । कानुनअनुसार विदामा नरहेको, लामो समयसम्म सम्पर्कमा नआएको वा सरकारी दायित्वबाट पूर्णतः अलग भएको पाइएमा त्यस्ता कर्मचारीमाथि विभागीय कारबाहीसहित बर्खास्ती प्रक्रिया अघि बढाइने तयारी सरकारले गरेको छ । किताबखानाको प्रारम्भिक विवरणअनुसार तलबी बिदामा ७३१ कर्मचारी छन् । बेतलबी अध्ययन बिदामा १६७ जना छन् । यसैगरी ९५ कर्मचारी असाधारण बिदामा देखिएका छन् । यसरी हेर्दा विभिन्न बिदामा रहेका कर्मचारीको संख्या ९९३ छ । किताबखानाको विवरणअनुसार बिदामा बस्ने अधिकांश कर्मचारी अध्ययन बिदामा छन् ।
बिज्ञापन
