नेपालको न्याय क्षेत्रमा नौलो रेकर्ड कायम भएको छ । एकै दिन संसदीय सुनुवाई सकेर सो सुनुवाईले नाम अनुमोदन गर्दै राष्ट्रपतिद्धारा शपथ ग्रहण गर्ने र पदभार ग्रहणको काम एकै दिनमा द्रुतगतिमा सम्पन्न हुँदैछ ।  सर्वोच्च अदालतका न्यायाधीश डा मनोज कुमार शर्माको नाम प्रधानन्यायाधीशमा सर्वसम्मत अनुमोदन भएको हो । आजै उनको शपथ ग्रहण हुँदैछ भने बेलुका रामशाहपथमा पुगेर प्रधानन्यायधीशको पदभार ग्रहण गर्दैछन् ।

बिज्ञापन

संसदीय सुनुवाइ समितिको मंगलबार बसेको बैठकमा शर्माका बिषयमा उठेका विभिन्न १६ वटा उजुरी उपर सुनुवाई भएको थियो । उजुरीकर्ताहरुले एनसेललाई जरिवाना छुट दिएको, उनी पूर्वप्रधानन्यायाधीश दामोदर शर्माका भतिज हुन् । सोही कारण उजुरीकर्ताहरुले उनीमाथि नेपोबेबीको आरोप समेत लगाएका थिए ।  पीएचडी थेसिसमा बौद्धिक चोरी र ७० लाखको लेनदेन लगायत,न्यायधीशमा नियुक्ति लगतै बल्खु दरबारमा पुगेको लगायतका बिषयमा उजुरी परेका थिए । ती उजुरीको सुनुवाई पनि न्यायपरिषद्को बैठकले शर्माको नाम प्रधानन्यायाधीशमा सर्वसम्मत अनुमोदन गर्ने निर्णय गरेको हो । मंगलबार नै संसदीय सुनुवाइ समितिमा प्रस्तावित प्रधानन्यायाधीश शर्माको सुनुवाइ भएको थियो । उनले त्यहाँ आफ्नो कार्ययोजना प्रस्तुत गरेका थिए ।