राष्ट्रपतिको कार्यालयले सरकारको सिफारिसमा तीनवटा महत्त्वपूर्ण अध्यादेश जारी गरेको छ। राष्ट्रपतिको कार्यालयले स्वास्थ्य विज्ञान प्रतिष्ठान सम्बन्धी केही नेपाल ऐनलाई संशोधन गर्ने अध्यादेश, २०८३, सार्वजनिक पदाधिकारीको पदपूर्ति सम्बन्धी विशेष व्यवस्था अध्यादेश, २०८३ र विश्वविद्यालय सम्बन्धी केही नेपाल ऐनलाई संशोधन गर्ने अध्यादेश, २०८३ सम्बन्धी अध्यादेश जारी गरेको हो ।
बिज्ञापन
जारी अध्यादेशमध्ये सार्वजनिक पदाधिकारीको पदपूूर्ति सम्बन्धी विशेष व्यवस्था अध्यादेश २०८३ अनुसार सबै सार्वजनिक निकायमा भएको राजनीतिक नियुक्ति खारेज भएको छ ।यो अध्यादेशपछि गत चैत १२ अघिका संस्कृति, पर्यटन तथा नागरिक उड्डयन, शिक्षा, विज्ञान तथा प्रविधि, स्वास्थ्य तथा जनसंख्या, ऊर्जा, जलस्रोत तथा सिँचाइ, कृषि तथा पशुपन्छी विकास, उद्योग, वाणिज्य तथा आपूर्ति, वन तथा वातावरण मन्त्रालय मातहतका राजनीतिक नियुक्ति एकै पटक खारेज गर्न सहज हुने बताइन्छ ।
बिज्ञापन
