नेपाली कांग्रेसले बासना थापालाई संसदीय दलको प्रमुख सचेतक बनाएको छ। सोमबार बसेको संसदीय दलको बैठकले थापालाई प्रमुख सचेतक चयन गरेको हो।बासना दैलेख क्षेत्र नम्बर–१ बाट निर्वाचित सांसद हुन् । देशभर कांग्रेस, एमाले, माओवादीलगायत पुराना दल बढारिँदा कर्णाली प्रदेशको दैलेख जिल्लाबाट प्रतिनिधिसभामा निर्वाचित भएकी हुन वासना ।
बिज्ञापन
पुरानो लोकतान्त्रिक पार्टी कांग्रेसबाट प्रत्यक्षतर्फ निर्वाचित एक्लो महिला जनप्रतिनिधि हुन् । अघिल्लो पटक उपमेयरमा पराजित उनी यसपटक वामपन्थीहरूको किल्ला भत्काउँदै दैलेख–१ बाट १२ हजार ३७२ मतसहित संसद्मा आएकी छन् । हजुरबुवा नरबहादुर २०१५ सालको आमनिर्वाचनमा काठमाडौँ क्षेत्र नम्बर–१ बाट निर्वाचित भएका थिए । त्यही राजनीतिक विरासतले ०५७ सालमा नेविसंघबाट राजनीतिक यात्रा प्रारम्भ गरेकी थापा ०६१ सालमा कांग्रेसको क्रियाशील सदस्य र १३ औं महाधिवेशनमा प्रतिनिधि भइन्, १४ औँ महाधिवेशनमा शेखर–गगन समूहको तर्फबाट केन्द्रीय सदस्य पदमा उम्मेदवारी दिइन् । सबैथोक खानु तर हरेश नखानु भनेझैं राजनीतिक र सामाजिक यात्रालाई निरन्तरता दिइरहँदा खडेरी याममा समेत कांग्रेसको झण्डा फहराउन सफल भइन् । उनी नेपाली सिने जगतकी लोकप्रिय नायिका विपना थापाकी बहिनी हुन् । यस्तै, निश्कल राईले सचेतकको जिम्मेवारी पाएका छन्। निश्कल इलाम–१ बाट निर्वाचित हुन्।
बिज्ञापन
आजै बसेको संसदीय दलको बैठकले भीष्मराज आङ्देम्बेलाई संसदीय दलको नेता चयन गरेको छ।
बिज्ञापन
