मुलुक संघीयतामा प्रवेश गरेसँगै संघीय सरकारको प्रतिनिधि भनिने प्रमुख जिल्ला अधिकारीको सान र मान पहिलेको जस्तो छैन । उनीहरुको नियमित काम नागरिकता र राहदानी विभागले बनाइदिएको पासपोर्ट बाँड्नुमै सीमित रह्यो तर अहिले संघीय सरकारका गृहमन्त्री सुधन गुरुङ ‘गस्ती’ को शैलीमा काठमाडौंबाहिरका विभिन्न प्रशासन,सुरक्षा युनिट र ड्युटीस्थल अनुगमन गरिरहेका छन् । उनको शैलीले विभिन्न जिल्लाका सुरक्षा कमाण्डरलाई अनावश्यक हैरानी भएको छ ।
बिज्ञापन
सुुरक्षा निकायहरूलाई कसरी बलियो बनाउने भनेर ऐन निर्माण गर्नुपर्नेमा गृहमन्त्री मनमौजी तालले हिँडेको एस्कर्टिङ टोलीलाई मन परेको छैन । अर्कोतिर गृहमन्त्री कतै भौतिक मन्त्रालय मातहतको आयोजनाको निरीक्षण गर्ने दौडिरहेका छन् । त्यही अनुसार कतिपय स्थानमा निर्देशन समेत दिएका छन् ।
बिज्ञापन
गृहमन्त्री गुरुङले जिल्ला सुरक्षा प्रमुखलाई सडक–सडकमै विभिन्न आदेश र निर्देशन दिँदै हिँड्दा ती सुरक्षा प्रमुखले दैनिक जिम्मेवारी निर्वाह गर्नुपर्ने स्थानको काम नकारात्मक ढंगले प्रभावित भइरहेको कर्मचारीहरु गुनासो पोख्न थालेका छन् । प्रहरीहरु जब दैनिक कार्यअवधि सिध्याएर निजी जीवनचर्यामा हुन्छन्, त्यस्तो समयमा गृहमन्त्री आफ्नो कार्यक्षेत्रमा प्रवेश गरिदिन्छन् । यसले प्रहरी प्रशासनले थकान, तनाव र दबाबमा खेपिरहेका छन् । त्यसमाथि संघीय सरकारका गृहमन्त्री ‘गस्ती’ वा ‘छापामार’ शैलीमा कार्यक्षेत्रमा प्रवेश गर्ने घटनाले उनीहरूमा थप थकान, तनाव र दबाब थपिएको छ ।
अर्काेतिर गोली नचलाउनु भन्ने निर्देशनका कारण सिडिओहरू थर्कमान छन् । ‘बल प्रयोग गर्दै नगर्नु भन्छन्, ’ स्रोतले भन्यो, ‘सबै लो मोरालमा छन् । भोलि उनकै सुरक्षाका निम्ति केही गरी गोली चलाउनु प¥यो भने कसले जिम्मेवारी लिन्छ ? गोली नचलाए मान्छे डराउँदैन, चक्काजाम गर्ने भीड हट्दैन । रमेश लेखक होस् कि सुधन गुरुङ होस् कुनै पनि गृहमन्त्रीले गोली चलाउन आदेश दिने होइन । फिल्डको डिमाण्ड के छ त्यसले गोली चलाउने वा नचलाउने तय हुन्छ । फिल्ड कमाण्डरलाई त्यही सिकाइएको हुन्छ । त्यही गर्नलाई जागिर खाइन्छ गृहमन्त्री र स्वास्थ्य मन्त्रीले गोली चलाउने नचलाउने, कसलाई थुन्ने भन्ने होइन । ल इन्फोर्समेन्ट गर्ने स्वतन्त्रता भएन भने कसैले काम गर्नै सक्दैन ।’
कुनै मान्छे सडक दुर्घटनामा मर्न सक्छ । आफन्तले चक्काजाम गर्छन् । त्यहाँ गएर सम्झाई बुझाई गर्नुपर्ने काम प्रहरीको हो । मानेनन् भने भीडलाई १० देखि १५ मिनेट हटाउनु भन्ने निर्देशिका नै छ । हटाउँदा बल प्रयोग गर्नुप¥यो,’ स्रोत भन्छ, ‘आइन्दा त्यति छोटो समयमा बल प्रयोग गर्नुअघि गृहमन्त्रीलाई सोध्ने कि बालेनलाई ?’
‘प्रहरी जहिले पनि चेपुवामा पर्ने कारण त्यही हो । एउटाले अत्यधिक बल प्रयोग गर भन्छ, अर्कोले गर्दै नगर भन्छ, अनि के गर्ने के गर्ने द्वविधामा परेपछि कसरी काम हुन्छ ?,’ स्रोतले भन्यो, ‘समाज यही हो, पूरै भताभुङ्ग छ । ‘जेन–जी’ भन्दै प्रहरी चौकी जाने, यो गर्ने, त्यो गर्ने भनिरहेका छन् । कतिपय राम्रा अफिसरले गृहमन्त्रीले जे भन्यो त्यो मान्दैनन् । किनकि उनीहरू रुल अफ लमा विश्वास गर्छन् ।
अर्काेतिर पक्राउ परेका ९ जना हाइप्रोफाइलमध्ये ७ जना छुटिसकेका छन् । भक्तपुर,काठमाडौबाट पक्राउ परेका ७० जना टोले गुण्डाहरुमध्ये अधिकांश धरौटीमा छुटिसकेका छन् । बिचौलिया र गुण्डा नियन्त्रणको उक्त शृङ्खला पनि असफलतामा टुंगिएको स्थिति छ ।
