तीन पूर्व प्रधानमन्त्री सहित केही पूर्व मन्त्रीहरुको सम्पत्तिमाथि अनुसन्धान प्रक्रिया अगाडि बढाइएको छ ।
बिज्ञापन
सम्पत्ति शुद्धीकरण अनुसन्धान विभागको पत्रका आधारमा नेपाल प्रहरीले पूर्वप्रधानमन्त्रीहरू शेरबहादुर देउवा, केपी शर्मा ओली र पुष्पकमल दाहालसहितका केही मन्त्रीहरुको सम्पत्तिमाथि अनुसन्धान प्रक्रिया अगाडि बढाइएको सिआईबीले जनाएको छ । सम्पत्ति शुद्धीकरण विभागले केन्द्रीय अनुसन्धान ब्यूरो (सीआईबी)लाई पत्राचार गरेपछि सीआईबीले अनुसन्धान प्रक्रिया अघि बढाएको स्रोतले जनाएको छ ।
सिआईबीका अधिकारीहरुका अनुसार तीन पूर्व प्रधानमन्त्री र दुई मन्त्रीहरुको सम्पत्तिको छानबिन प्रक्रिया अगाडि बढेको छ । सिआइबीले दुई पूर्वमन्त्री आरजु राणा देउवा र दीपक खड्का तथा उनीहरूको परिवारको नाममा रहेका चल–अचल सम्पत्ति र आम्दानीको स्रोतलगायत विषयमा अनुसन्धान अघि बढाएको हो । मन्त्रीहरुको सम्पत्तिमाथि अनुसन्धान गर्ने सिलसिलामा आज बिहान पूर्वमन्त्री दीपक खड्कालाई नियन्त्रणमा लिएको सिआईबीले जनाएको छ ।
बिज्ञापन
यही अनुसन्धानको लागि स्थानीय प्रशासनले पूर्व प्रधानमन्त्री शेरबहादुर देउवाको बुढानीलकण्ठस्थित भवन भत्काउन रोक लगाएको छ ।
बिज्ञापन
