लोक सेवा आयोगले पाँच जना कर्मचारीलाई सहसचिव पदमा स्थायी नियुक्तिका लागि सिफारिस गरेको छ । आयोगले खुला तथा आन्तरिक प्रतिस्पर्धामार्फत लोकसेवाको सबै चरणका परीक्षा पार गरी सफल भएका प्राविधिक सेवातर्फ पाँच जना अधिकृतलाई सहसचिवमा नियुक्तिका लागि सिफारिस गरेको हो ।
बिज्ञापन
आयोगका अनुसार नेपाल नेपाल कृषि सेवाअन्तर्गत भेटेरिनरी समूहबाट विकास श्रेष्ठ सहसचिव नियुक्तिका लागि सिफारिस हुँदा खुला प्रतिस्पर्धाबाट नेपाल कृषि सेवा, बाली संरक्षण समूहमा सुरेन्द्र सुवेदी र बाली विकास समूहमा रुद्रप्रसाद पौडेल स्थायी नियुक्तिका लागि सिफारिस भएका छन् ।
बिज्ञापन
यस्तै प्राविधिक सेवातर्फकै नेपाल इन्जिनियरिङ सेवाअन्तर्गत फिजियोलोजी समूह (जनरल जियोलोजी उपसमूह)बाट शिवकुमार बास्कोटा तथा मेकानिकल समूहमा रामचन्द्र पौडेल सहसचिव पदका लागि सिफारिस भएका हुन् ।
आयोगले सिफारिस गरिएका पाँचै जनाको स्थायी नियुक्तिका लागि संघीय मामिला तथा सामान्य प्रशासन मन्त्रालय मा पठाउने निर्णय गरेको जनाएको छ ।
