पर्साको बहुदरमाई नगरपालिकाको प्रमुख प्रशासकीय अधिकृतले पदीय दरबन्दी विपरित कर्मचारी खटन पटन गरेको पाइएको छ । सो पालिकाको प्रमुख प्रशासकीय अधिकृतले लेखा अधिकृतलाई वडा सचिवको रुपमा कामकाजमा खटाइएको पाइएको हो ।
बिज्ञापन
पालिकाको लेखा अधिकृतको रुपमा कार्यरत रन्धिरकुमार यादवलाई पदीय दरबन्दी विपरित वडा नं ४ को कार्यालयमा वडा सचिवको जिम्मेवारी दिएको पाइएको छ ।
बिज्ञापन
पालिकाको प्रमुख प्रशासकीय अधिकृत बृजकिशोर प्रसाद यादवले लेखा अधिकृत यादवलाई वडा नम्बर चारको सचिव तथा स्थानीय पञ्जाधिकारीको रुपमा कामकाजमा खटाइएको पाइएको हो ।
प्रमुख प्रशासकीय अधिकृत यादवले कामकाज गर्न भनि खटाइएको पत्रमा भनिएको छ यस नगरपालिकाको आर्थिक प्रशासन शाखा प्रमुखका रूपमा कार्यरत रहनुभएकोमा, अब उपरान्त यस नगर कार्यपालिकाको मिति २०८२ चैत २ गतेको निर्णयअनुसार, यस नगरपालिका अन्तर्गत वडा नं ४ मा वडा सचिव तथा स्थानीय पञ्जिकाधिकारीको रूपमा कामकाज गर्न खटाइएको छ। प्रचलित ऐन–कानुन बमोजिम तोकिएको जिम्मेवारी इमान्दारीपूर्वक निर्वाह गर्नुहुन जानकारी गराइन्छ,” नगरपालिकाले यादवलाई पठाएको पत्रमा उल्लेख छ।
बिज्ञापन
