रसुवा — प्रतिनिधिसभा सदस्य निर्वाचन अन्तर्गत रसुवामा जारी मतगणनाको प्रारम्भिक परिणाममा नेपाली काँग्रेसका उम्मेदवार मोहन आचार्य अग्रस्थानमा रहेका छन्।
बिज्ञापन
कालिका हिमालय क्याम्पस मतदान केन्द्रको १ हजार ६३७ मत गणना गर्दा आचार्यले ६८९ मत प्राप्त गरेका छन्। त्यस्तै राष्ट्रिय स्वतन्त्र पार्टी (रास्वपा)का बसन्त भट्टले ५३८ मत प्राप्त गरी दोस्रो स्थानमा छन् भने नेकपा एमालेका प्रेम तामाङले २३५ मत पाएका छन्।
बिज्ञापन
यसैगरी नेपाल कम्युनिष्ट पार्टीका उम्मेदवार माधव लामिछानेले ३४ मत प्राप्त गरेका छन्।रसुवामा कुल मतदातामध्ये ६१ प्रतिशतले मतदान गरेका थिए। सबै मतदान केन्द्रबाट मतपेटिका सदरमुकाम ल्याएर संकलन गरिएपछि आज बिहानदेखि मतगणना सुरु गरिएको हो।
जिल्लामा कुल ४१ हजार ४ सय ७१ मतदाता रहेकामा २५ हजार ४ सय ५८ जनाले मतदान गरेका छन्। मतदान गर्नेमा १३ हजार ४ सय ७३ पुरुष र ११ हजार ९ सय ८५ महिला मतदाता रहेका छन्।
यस निर्वाचन क्षेत्रमा १२ जना उम्मेदवार प्रतिस्पर्धामा छन्।
