काठमाडौं । प्रधानमन्त्री सुशीला कार्कीले मन्त्रिपरिषद्का तीन जना मन्त्रीलाई राजीनामा दिन आग्रह गरेकी छन्। उनीहरू सरकारी कामकाजभन्दा राजनीतिक गतिविधिमा बढी केन्द्रीत भएको निष्कर्षसहित प्रधानमन्त्रीले राजीनामाको सुझाव दिएको एक मन्त्रीले जानकारी दिएका छन्।
बिज्ञापन
प्रधानमन्त्रीले ऊर्जामन्त्री कुलमान घिसिङ, खेलकुदमन्त्री बब्लु गुप्ता र सञ्चारमन्त्री जगदीश खरेल लाई छुट्टाछुट्टै रूपमा बोलाएर राजीनामा दिन सुझाएको स्रोतको दाबी छ।
बिज्ञापन
स्रोतका अनुसार पछिल्लो समय ती मन्त्रीहरू मन्त्रालयको जिम्मेवारीभन्दा पार्टीगत तथा व्यक्तिगत राजनीतिक गतिविधिमा सक्रिय देखिएको भन्दै प्रधानमन्त्री असन्तुष्ट थिइन्। “सरकारको कार्यसम्पादन कमजोर नहोस् भन्ने उद्देश्यले प्रधानमन्त्रीले नैतिक जिम्मेवारी लिन आग्रह गर्नुभएको हो,” स्रोतले भन्यो।
हालसम्म तीनै जना मन्त्रीले औपचारिक रूपमा कुनै प्रतिक्रिया दिएका छैनन्। यद्यपि प्रधानमन्त्रीको उक्त कदमलाई आगामी राजनीतिक पुनर्संरचना र मन्त्रिपरिषद् हेरफेरको संकेतका रूपमा हेरिएको छ।
बिज्ञापन
यस विषयमा प्रधानमन्त्रीको सचिवालय तथा सम्बन्धित मन्त्रालयबाट औपचारिक धारणा आउन बाँकी छ।
