सरकारले निर्वाचन आचारसंहिता लाग्नु अघि धमाधम नियुक्ति र बढुवाको काम टुंग्याएको छ । आगामी २१ फागुनमा प्रतिनिधि सभाको निर्वाचन हुँदैछ । सो अघि माघ १ गतेदेखि नै निर्वाचन आचारसंहिता लाग्ने हुँदा आज बसेको क्याविनेटले थुप्रै संख्यामा नियुक्ति,सरुवा र बढुवाको काम फत्ये गरेको छ ।
बिज्ञापन
आजको मन्त्रिपरिषद्को बैठकले लेखापरीक्षण सेवातर्फका नायब महालेखापरीक्षक घनश्याम पराजुलीलाई सचिवमा बढुवा गरेको छ ।
बिज्ञापन
सरकारले राष्ट्रिय अनुसन्धान विभागको अतिरिक्त अनुसन्धान निर्देशक (एआईजी) पदमा ओमबहादुर खड्कालाई बढुवा गरेको छ । राष्ट्रिय अनुसन्धान विभागका तत्कालीन प्रमुख तथा मुख्य अनुसन्धान निर्देशक हुतराज थापा अवकाशमा गएपछि ५ असोजमा एआईजी टेकेन्द्र कार्कीलाईलाई मुख्य अनुसन्धान निर्देशकमा बढुवा गरिएको थियो ।
यस्तै आजको क्याविनेटले नेपाल सरकार र ओमान सरकार बीच हुने समझदारीपत्र स्वीकृत गर्ने निर्णय गरेको छ भने नेपाल सरकार र इजरायल सरकार बीच हुने श्रम सम्झौता स्वीकृत गर्ने निर्णय भएको एक मन्त्रीले जनाएका छन् । यस्का अलवा पेट्रोलमा इथानोल मिश्रण गरी प्रयोगमा ल्याउने सम्बन्धी आदेश २०८२ स्वीकृत र वन तेस्रो संशोधन नियमावली २०८२ स्वीकृत गर्ने निर्णय भएको छ ।
यस्तै क्याविनेटले समस्याग्रस्त सहकारी संस्थाको सम्पत्ति व्यवस्थापन तथा दायित्व भुक्तानी सम्बन्धी कार्य गर्ने व्यवस्थापन समितिको सदस्यमा कुलप्रसाद न्यौपानेलाई मनोनयन गर्ने निर्णय गरेको छ ।
बिज्ञापन
यस्तै सरकारले जेन जेड सहिद परिवार कल्याणकारी समाजलाई अनुदान उपलब्ध गराउने भएको छ ।
