फागुन २१ मा निर्वाच हुन नसके संसद पुनस्थापना वा सर्वदलीय सरकार ? अहिले यही बिषयमा नेपाली राजनीति तातिरहेको छ । दुई ठूला दल नेपाली काँग्रेस र नेकपा एमाले संसद पुर्नस्थापना हुनुपर्ने रिट बोकेर अदालतमा पुगिरहेका छन् भने केही जेनजीहरु सर्वदलीय सरकारको माग राखेर सडक तताइरहेको स्थिति छ । यही स्थितिमा प्रधानमन्त्री सुशीला कार्की आफू प्रधानमन्त्री बनेको एक सय दिन पछि पहिलो पटक प्रमुख तीन दलका शीर्ष नेताहरुसँग एकै ठाउँमा भेटघाट गरेकी छिन् । आजको भेटघाटले लामो समयदेखिको संवादहीनता तोडिएको छ ।

बिज्ञापन

 झण्डै तीन महिना लामो संवादहिनता राष्ट्रपति रामचन्द्र पौडेलको पहलमा तोडिएको हो । नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली र नेपाली कम्युनिस्ट पार्टीका अध्यक्ष पुष्पकमल दाहाल ‘प्रचण्ड’ सँग छलफलमा प्रधानमन्त्री सुशीला कार्की समेत सहभागी भएकी छन् । राष्ट्रपति रामचन्द्र पौडेलले प्रधानमन्त्री सुशीला कार्कीसहित प्रमुख दलका शीर्ष नेतालाई एकै ठाउँमा भेटवार्ता गर्ने अवसर जुराइदिएका हुन् ।