नेकपा एमालेको केन्द्रीय कमिटी बैठकमा केहीबेर होहल्ला भएको छ ।
बिज्ञापन
आज आयोजित बैठकमा पार्टी अध्यक्ष केपी शर्मा ओलीको राजनीतिक प्रतिवेदनमाथि धारणा राख्न कोबाट सुरु गर्ने भन्ने विषयमा विवाद भएको छ ।ललितपुरको भनिमण्डलमा जारी केन्द्रीय कमिटी बैठकमा उपाध्यक्ष ईश्वर पोखरेलले आफूलाई बोल्न समय दिनुपर्ने बताएका थिए ।
बिज्ञापन
महासचिव शंकर पोखरेलले केन्द्रीय सदस्यहरूको नामको पहिलो अक्षरको उल्टो वर्णानुक्रम (ज्ञ)बाट बोल्न प्रस्ताव राखेपछि विरोध भएको हो ।
त्यसमा वरिष्ठ उपाध्यक्ष ईश्वर पोखरेलले विरोध जनाए । उनको विरोधमा अरू केही केन्द्रीय सदस्यहरूले पनि समर्थन जनाए । सोही क्रममा केन्द्रीय सदस्यहरूबिच चर्काचर्की भएको हो ।
बिज्ञापन
केन्द्रीय सदस्यहरूले पहिले पदाधिकारीहरू पनि बोल्नुपर्ने र त्यसमा पनि आफूहरूले धारणा राख्नुपर्ने भनेपछि बैठक हलमा होहल्ला भएको थियो । त्यसपछि ‘खाजा ब्रेक’ गरियो ।
पछि पार्टी अध्यक्ष ओलीले आगामी मंसिर २७ देखि २९ गतेसम्म पोखरामा ११ औं महाधिवेशन गर्न प्रस्ताव गरेका छन् ।
