बिज्ञापन

बिज्ञापन

गृहमन्त्री अर्यालले भने, ‘कुशासन थियो, त्यसकारण आन्दोलन भयो, अब सुशासनका निम्ति प्रहरीले कानुनबमोजिमका कामहरू प्रभावकारी ढंगले गर्दै जानुपर्नेछ ।’ उनले शान्ति सुरक्षा र सुशासनका लागिमात्र होइन, आउँदो चुनाव सम्पन्न गर्नका लागि पनि राजनीतिक सम्बन्ध भएका फाइलहरूको अनुसन्धान अघि बढ्नुपर्ने बताएका छन् ।

हिजो पोलिटिकल कनेक्सनका आधारमा जे कुरा रोकिएको थियो, जे कुरा बिथोलिएको थियो । त्यस्तो अब हुँदैन ।‘कतिपय अपराध अनुसन्धानमा, आर्थिक अपराध अनुसन्धान, वित्तीय अपराध अनुसन्धान लगायत भ्रष्टाचारका विषयवस्तुहरुमा जुन खालको अवरोध आइरहेको थियो, त्यो अवरोध अब हामीले फुकाउनुपर्छ भन्ने मेरो अपेक्षा बमोजिमको निर्देशनहरु दिएको छु’ उनले भने ।

अर्यालले वर्तमान अन्तरिम सरकारको म्यान्डेट नै सुशासन हो । सुशासनविना शान्ति सुरक्षा हुन सक्दैन । शान्ति सुरक्षा भएन भने ६ महिनाभित्र निर्वाचन गर्न नसकिने बताए ।