अन्तरिम सरकारको पहिलो मन्त्रिपरिषद्को बैठकले यही असोज १ गते शोक बिदा दिने भएको छ ।
बिज्ञापन
बिज्ञापन
यही भदौ २३ र २४ गते भएको जेनजी आन्दोलनका क्रममा ज्यान गुमाएकाहरूको सम्मानमा सरकारले शोक बिदा दिने निर्णय गरेको हो । यस्तै सोमबार बसेको मन्त्रिपरिषद्को बैठकले भदौ २३ र २४ गते भएको जेनजीको आन्दोलनमा ज्यान गुमाउनेलाई सहिद घोषणा गर्ने निर्णय गरेको छ। प्रदर्शनको क्रममा ज्यान गुमाउनेहरूलाई राष्ट्रिय सम्मानसहित अन्त्यष्टि गर्ने, असोज १ गते शोक मनाउने र ज्यान गुमाउनेहरूका परिवारलाई यसअघिदेखि नै दिँदै आएको १० लाख र अन्य खर्चवापत ५ गरी १५ लाख दिने निर्णय भएको गृहमन्त्री ओमप्रकाश अर्यालले जनाएका छन् । अर्यालको अनुसार, यस्ता रकम अर्थमन्त्रालयमार्फत निकासा गर्ने र सम्बन्धित जिल्ला प्रशासन कार्यालयमार्फत वितरण हुनेछ।
त्यस्तै ज्यान गुमाएका जेन्जीहरूको स्मरणमा जेन्जी जागरण स्मारक पार्क बनाउने र न्यायिक जाँचबुझ आयोग गठन गर्ने लगायतको निर्णय भएको मन्त्री अर्यालले जनाएका छन् ।
