काठमाडौं। अख्तियार दुरुपयोग अनुसन्धान आयोगले नेपाल नागरिक उड्डयन प्राधिकरणका महानिर्देशक प्रदीप अधिकारीसँग २० घण्टाभन्दा वढी समय वयान लिएको छ । महालेखापरीक्षकको कार्यालयले प्रकाशन गरेको ६० औ प्रतिवेदनमा पोखरा अन्तर्राष्ट्रिय विमानस्थल निर्माणका क्रममा घोटाला भएको उल्लेख गरेपछि अख्तियारले पोखरा विमानस्थल निर्माणका क्रममा भ्रष्टाचार भएको उजुरी माथि छानविन सुरु गरेको थियो ।
बिज्ञापन
पोखरा अन्तर्राष्ट्रिय विमानस्थल निर्माणका क्रममा अनियमिता भएको उजुरी छानविनका क्रममा अख्तियारले अधिकारीसँग बयान लिएको हो । पछिल्लो १० बर्षमै सबैभन्दा ठूलो भ्रष्टाचार प्राधिकरण अन्तर्गतका पोखरा, गौतमबुद्ध भैरहवा र त्रिभुवन अन्तर्राष्ट्रिय विमानस्थल निर्माणमा भएको छ । आयोगले २० हजार, ५० हजार, लाख भ्रष्टाचारमा मुद्दा दायर गरेको छ । तर प्राधिकरण अन्तर्गतका तीनवटै विमानस्थलको ठेक्कामा चिनियाँ ठेकेदारसँग मिलेर प्रदीप अधिकारीले गरेको दसौं अरब भ्रष्टाचारमा आयोगले छानबिन नगरेकोमा चौतर्फी प्रश्न उठिरहेको छ । तीनवटै आयोजनाको प्रमुख अधिकारी नै रहेको र उनले गरेका भ्रष्टाचारका एक एक तथ्यसहितका उजुरीमा अख्तियारले गहन छानबिन गर्न नसकेको गुनासो आएपछि आयोगले छानबिन थालेको छ ।
बिज्ञापन
निर्मित विमानस्थलमा प्राधिकरणका विज्ञसहितको भ्रमणबाट सेवा सञ्चालनमा समस्या रहेको प्रतिवेदन पेश भएको छ । विमानस्थलको पश्चिमतर्फ प्यारलल र अन्य दुईवटा लिंक टेक्सी वेको व्यवस्था गरेकाले रन वे ३० मा पुग्न रन-वेबाट नै जानुपर्ने हुँदा रन-वे अकुपेन्सी टाइम बढी हुने र उडान सञ्चालनमा सहजता नआउने महालेखाको प्रतिवेदनमा औंल्याइएको छ ।
हेलिकप्टर पार्किङस्थलका लागि कुनै ठाउँको व्यवस्था नभएको, कार्गो बूकिङ र टिकट काट्ने कोठाको व्यवस्था नभएको, रन वे र आन्तरिक उडानका लागि छुट्याइएका र्याम्प एरियामा जम्मा ३ देखि ४ बटा बस मात्र अट्नसक्ने हुँदा प्रत्येक वायुसेना कम्पनीले छुट्टाछुट्टै बस राखी र्याम्प सेवा सञ्चालन गर्न सम्भव नहुने उल्लेख गरिएको छ ।
बिज्ञापन
