सरकारले १७ जना सहसचिवहरुको सरुवा गरेको छ । हिजो बसेको मन्त्रिपरिषद्को बैठकले विभिन्न मन्त्रालय मातहतका १७ सहसचिवहरुको सरुवा गरेको हो ।
जसमा आन्तरिक राजश्व विभागका महानिर्देशक रामप्रसाद अचार्य,भन्सार विभागका महानिर्देशक हरिप्रसाद पुडासैनीदेखि अर्थकै दीर्घराज मैनालीहरु सरुवामा परेका छन् । जस अनुसार आचार्यलाई सामान्यको अतिरिक्त समूहमा लगिएको छ भने पुडासैनीलाई राष्ट्रिय योजना आयोगमा खटाइएको छ भने मैनाली राष्ट्रिय सूचना आयोगमा पुगेका छन् । यस्तै अर्थका नारायण रिसाललाई गृहमा लगिएको छ भने गृह मातहत रहेका मकवानपुर जिल्लाका प्रमुख जिल्ला अधिकारीको भूमिकामा रहेका तीर्थराज चिलुवाल र राष्ट्रिय महिला आयोगको सचिव पार्वती अर्याललाई भित्र्याइएको छ ।
राष्ट्रिय सूचना आयोगबाट कमल भट्टराई श्रमममा पुगेका छन् राष्ट्रिय योजना आयोगबाट यज्ञराज कोइरालालाई कृषि तथा पशुपक्षी विकास मन्त्रालयमा लगिएको छ ।
यस्तै,परराष्ट्र मन्त्रालयमा रहेका उदय बहादुर रानालाई बाग्मती प्रदेशमा पठाइएको छ भने इटहरी उपमहानगरपालिकाबाट राम चरित्र मेहत्ता युवा तथा खेलकुद विकास मन्त्रालयमा ल्याइएको छ ।
राष्ट्रिय किताबखाना (शिक्षक)बाट युवराज पौडेल शिक्षा विज्ञान तथा प्रविधि मन्त्रालय,संघीय अतिरिक्त समूहमा रहेका आदेश खड्कालाई सञ्चार तथा सूचना प्रविधि मन्त्रालयमा खटाइएको छ भने श्रीचन्द्र साह अर्थ मन्त्रालयमा भित्रिएका छन् ।
बिज्ञापन
यस्तै रामकुमार गोइत,पुष्कर पोखरेल शहरी,प्रदेशबाट प्रेम सिंह भौतिकमा भित्रिदा भ्रष्टाचार मुद्धामा परेर निलम्बनमा परेकी नम्रता सिंहलाई सामान्यको अतिरिक्त समूहमा तानिएको छ ।
बिज्ञापन
बिज्ञापन
