भनिन्छ नि भ्रष्टाचारको धनले सदैव पो्ल्छ । बदमासी पूर्वक आर्जित ढङ्गबाट आर्जित धनले १२ बर्षसम्म मोजमस्ती गर्न सकिएला तर १३ बर्ष पछि उक्त धनको साँवा व्याजै चुक्ता गर्नुपर्ने हुन्छ भनिएझैं भएको एक कर्मचारीको हकमा ।
बिज्ञापन
अदालतबाट भ्रष्टाचार ठहर भएर एक बर्ष कैद सजाय तोकिएका एक प्रतिवादी १३ बर्षपछि प्रहरीको फन्दामा परेका हुन । भ्रष्टाचार मुद्धामा दोषी ठहर भएसँगै फरार भएका एक प्रतिवादी कर्मचारी १३ बर्षपछि पक्राउ परेका छन् । आफू कार्यरत संस्थालाई १९ करोड ८९ लाख ३१ हजार ७८४ रुपैयाँ हानीनोक्सानी गरी भ्रष्टाचारको कसुरमा सजाय समेत तोकिएका एक प्रतिवादी कर्मचारी १३ बर्षपछि प्रहरीको फन्दामा परेका हुन ।
बिज्ञापन
नेपाल बैंक लिमिटेडका तत्कालीन उप प्रबन्धक शशीकिरण श्रेष्ठ जिम्मेवारीमा रहँदा कर्जा प्रवाह गर्दा अख्तियारको दुरुपयोग गरी बैंकलाई जम्मा ३९ करोड ८९ लाख ३१ हजार ७८४ हानिनोक्सानी गरी भ्रष्टाचारको कसुर अपराध गरेको ठहर भएको थियो । यो सँगै उनीमाथि छुट्टाछुट्टै दुईवटा मुद्दामा प्रतिमुद्दा ६ महिना कैद सजाय तोकिएको थियो ।
बिज्ञापन
विशेष अदालत काठमाडौंले २०६८ भदौ ६ गते श्रेष्ठसहित ऋणी लक्ष्मीप्रसाद आचार्यसमेतका व्यक्तिहरुलाई दोषी ठहर गरी सजाय सुनाइएको थियो । सोही फैसला २०७३ असोज २५ गते सर्वोच्च अदालतका न्यायाधीशद्वय विश्वम्भरप्रसाद श्रेष्ठ र आनन्दमोहन भट्टराईको इजलाशबाट सदर भएको थियो । त्यसँगै फरार रहेका उनलाई नेपाली प्रहरीको काठमाडौंको टोलीले स्वयम्भूबाट पक्राउ गरेको हो ।
शनिबार र आइतबार सार्वजनिक बिदा परेकोले उनलाई सोमबार अदालतमा पेश गर्ने तयारी छ । नेपाल बैंक लिमिटेडको अनियमिततासम्बन्धी चर्चित मुद्दामा दोषी ठहर भई सजाय पाएका शशिकिरण श्रेष्ठलाई तोकिएको जम्मा एक वर्ष कैदको सजाय कारागारमा नै बसी भुक्तानी गर्नुपर्ने र १० हजार रुपैयाँ जरिवाना बुझाएर मात्र सजाय चुक्ता हुने जनाइएको छ ।
