बैंक व्यवस्थापनको लापरवाहीका कारण एक जना बैंकरको टाउको फुटेर अस्पताल कुदाउनुपर्ने स्थिति आयो । अस्ति शुक्रवार नेपाल बैंकको बार्षिकोत्सव कार्यक्रम आयोजना गरिएको थियो । बैंकको कार्यक्रममा बोलाइएका प्रमुख अतिथि नै नआइदिँदा एकातिर खल्लो त भएकै थियो त्यही माथि आएका पाहुना (अतिथी) नै कार्यक्रम स्थलमै दुर्घटनामा परेका हुन,त्यो पनि व्यवस्थापनको कमजोरीका कारण ।
बिज्ञापन
बैंक व्यवस्थापनको लापरवाही र फितलो व्यवस्थापनका कारण एक जना अतिथी नै घाइते भएर अस्पताल भर्ना गर्नु परेको हो ।
बिज्ञापन
अस्ति शुक्रवार नेपालको पहिलो बैंक नेपाल बैंकले ८७ औं बार्षिकोत्सव कार्यक्रम राखिएको थियो । करिब ९ दशक लामो इतिहास बोकेको उक्त बैंकको बार्षिकोत्सव कार्यक्रम आयोजना गरिएको थियो, बैंकको केन्द्रीय कार्यालय धर्मपथमा । दिँउसो ३ बार्षिकोत्सव कार्यक्रम आयोजना गरिएको थियो । प्रमुख अतिथिको रुपमा बोलाइएका उपप्रधान तथा अर्थ मन्त्री विष्णु पौडेल पनि सहभागी थिएनन् त्यहाँ नेपाल राष्ट्र बैंकका गभर्नर महाप्रसाद अधिकारीसहित विभिन्न बैंक तथा वीमा कम्पनीका संस्थाका प्रतिनिधिहरूको उपस्थिति रहेको थियो । नेपाल राष्ट्र बैंकका गभर्नर महाप्रसाद अधिकारीको प्रमुख आतिथ्यतामा सम्पन्न भएको छ । उक्त समारोहको अध्यक्षता बैंकका सञ्चालक समिति अध्यक्ष डा. चन्द्र बहादुर अधिकारीले गरेका थिए ।
उक्त कार्यक्रममा सहभागी हुन राष्ट्रिय बीमा कम्पनीका सीईओ शिवहरि श्रेष्ठ पनि सहभागी थिए । तर मञ्च व्यवस्थापकको लापरबाहीका कारण त्यहाँ मञ्चमा जडान गरिएको लाइट खसेर उनको टाउकोमा लाग्दा उनी घाइते हुन पुगे । उनलाई तत्कालै उनको छोराले अस्पताल पुर्याए । उनको टाउकोमा सात वटा टाँका लगाउन परेको बताइएको छ ।
बिज्ञापन
कार्यक्रममा बोल्ने अधिकांश कर्मचारी नेताहरुले बैंक व्यवस्थापनको खुलेरै आलोचना गरेका थिए ।
