भूमि व्यवस्था सहकारी संघीय मामिला तथा सामान्य प्रशासन प्रशासन मन्त्रालयले एक महिनाको अवधिमा ३१९ जना कर्मचारीको अनलाइन प्रणालीबाटै सरुवा गरेको जनाएको छ । यद्यपि मन्त्रालयको अधिकारीहरुको यो दावीलाई सोही प्रणालीले भने खण्डन गरिरहेको छ । ।
बिज्ञापन
गत असार १६ मा यो प्रणाली विकास गरे यता सरुवाका लागि २ हजार ३ सय २२ जना कर्मचारीहरुले आवेदन दिएकामा महिना दिनको अवधिमा खरिदारदेखि उपसचिव तहका गरी ३१९ कर्मचारीको अनलाइन प्रणालीबाटै सरुवा गरिएको मन्त्रालयका अधिकारीहरुले दावी गरिरहेका छन् ।
बिज्ञापन
मन्त्रालयले सरुवा प्रणालीमा सुधार ल्याउन भन्दै बनाएको बनाएको कर्मचारी सरुवा व्यवस्थापन प्रणालीभित्र गएर हेर्दा मन्त्रालयका अधिकारीहरुले गरिरहेको दावीलाई सोही प्रणालीको डिस्प्ले भएको संख्याले भने खण्डित गरेको छ । ट्रान्सफर म्यानेजमेन्ट इन्फर्मेसन सिस्टम’ नामक सफ्टवेयर सञ्चालनमा ल्याएर महिना दिनमै ३ सय १९ जना कर्मचारीहरुको प्रणालीमार्फत सरुवा गरेको जनाएको भए पनि स्वीकृत सरुवा १० जनाको मात्र भएको विवरण अद्यावद्यिक देखिन्छ । यो सामाचार तयार पार्दासम्म प्रणालीमा ६ हजार प्लस कर्मचारी दर्ता भएका छन् । यस्तै,अनलाइनबाटै सरुवाका लागि २ हजार प्लस आवेदन प्राप्त भएको विवरण डिस्प्ले भएको देखिन्छ ।
मन्त्रालयले हालसम्म ३१९ कर्मचारीको अनलाइनबाटै सरुवा गरेको दावी गरे पनि प्रणालीले २० कर्मचारीको सरुवा स्वीकृत भएको र १० प्रक्रियामा रहेको उल्लेख छ तर मन्त्रालयले यो प्रणालीमा हलसम्म १० हजार ५३३ कर्मचारी सक्रिय रहेको,तीमध्ये २ हजार ३२२ कर्मचारीले सरुवाका लागि सरुवा सफ्टवेयरमार्फत निवेदन दिएका र हालसम्म एक हजार ९१० जना कर्मचारी सरुवाका लागि निर्णय प्रक्रियामा रहेको उल्लेख गरेका छन् । यही अवधिमा खरिदारदेखि उपसचिव तहका ३ सय १९ जना कर्मचारीको भने सरुवा सफ्टवेयरबाटै सरुवाको पत्र तयार भइसकेको मन्त्रालयले जनाएको भए पनि मन्त्रालयका अधिकारीहरुको भनाइलाई सोही सरुवा प्रणालीले खण्डित गरिरहेको छ ।
