स्वास्थ्य तथा खाद्य स्वच्छता मन्त्रालयमा ४ वटा महाशाखा मात्रै राख्ने प्रस्ताव गरिएको छ । यस अघि मन्त्रालयमा रहेको जनसंख्या तथा व्यवस्थापन महाशाखा खारेज गरेर अब स्वास्थ्य, खाद्य स्वच्छता तथा औषधि गुणस्तर नियमन महाशाखा, जनस्वास्थ्य समन्वय तथा सूचना प्रविधि महाशाखा, प्रशासन महाशाखा र नीति, योजना तथा अनुगमन महाशाखा मात्रै राख्ने भएको हो । मन्त्रालयका अनुसार,नेपाल सरकार (कार्यविभाजन) नियमावली, २०८३ को मर्मअनुरूप मन्त्रालयले खाद्य गुणस्तर नियमन शाखा स्थापना भएको र यो शाखाले खाद्य क्वारेन्टाइन, खाद्य प्रविधि तथा गुण नियन्त्रण र औषधि नियमन गर्नेछ । यस्तै,यस अघि रहेको कर्मचारी प्रशासन र आन्तरिक प्रशासन शाखालाई गाभेर प्रशासन महाशाखाअन्तर्गत प्रशासन तथा मानव स्रोत व्यवस्थापन शाखा रहने भएको हो ।
बिज्ञापन
बिज्ञापन
मन्त्रालयले संगठन तथा व्यवस्थापन सर्वेक्षण प्रतिवेदन स्वीकृत गर्दै यस अघि रहेको मन्त्रालयमा रहेका दुई सचिवको व्यवस्था खारेज भएको छ । विगतमा नीति, योजना तथा अनुगमन हेर्ने र जनसंख्या व्यवस्थापन हेर्ने अतिरिक्त सचिवहरूको दरबन्दी खारेज गरी ती तहबाट हुने निर्णय सिधै सचिवमार्फत हुने व्यवस्था मिलाइएको छ। यस अघि मन्त्रालयका ४ जना अतिरिक्त सचिव रहेका थिए । हाल संगीता कौशल मिश्रा र डा श्रीकृष्ण श्रेष्ठ अतिरिक्त सचिवका रुपमा कार्यरत छन् । यी दरबन्दी समेत कटौतीमा परेको मन्त्रालयले जनाएको छ ।
मन्त्रालयका अनुसार पुल दरबन्दी १,८०८ बाट घटाएर १,८०६ कायम गरिएको छ।
