बिज्ञापन

बिज्ञापन

भ्रष्टाचारविरुद्ध खरो उत्रिएको सरकारको रुपमा चर्चा कमाएको वालेन सरकार आए यतामात्र दर्जनौं कर्मचारीहरु घुससहित पक्राउ परेका छन् । नयाँ सरकार बने यता अख्तियारले भैरहवाका नायब सुब्बा ओमबहादुर खाम्चा मगरलाई दुई लाख घुस रकमसहित नियन्त्रणमा लिएर मुद्धा चलाएको छ । यस्तै गत चैत्र २७ मा वैदेशिक रोजगार विभाग ताहचलमा कार्यरत नायब सुब्बा हेमबहादुर मस्राङ्गी १५ हजार रुपैयाँ घुस र स्रोत नखुलेको रकम ७७ हजार ६०० रुपैयाँसहित पक्राउ परेका थिए ।

यस्तै,सोही अवधिमा सुब्बा निरज परियार,नेपाल विद्युत् प्राधिकरण कञ्चनपुर वितरण केन्द्र, सप्तरीका प्रमुख महेन्द्रकुमार दास १ लाख ४० हजार रुपैयाँ घुससहित पक्राउ परेका छन् । चार्जिङ स्टेसनका लागि ट्रान्सफर्मर राखी लाइन छाडिदिने प्रयोजनार्थ सेवाग्राहीसँग एक लाख ४० हजार घुस लिँदालिँदै पक्राउ गरेको थियो ।

यस्तै सघन शहरी तथा भवन निर्माण आयोजना, धनकुटामा कार्यरत इन्जिनियर सुमन राई, लेखा अधिकृत ईन्द्र बहादुर कार्की र सब इन्जिनियर रविन श्रेष्ठ लगायतले सेवाग्राहीसँग ८५ हजार घुस सहित पक्राउ परेका छन् । सिंहदरबारको मुखै अगाडिबाट खाद्य प्रविधि तथा गुण नियन्त्रण विभाग, बबरमहलको अनुगमन तथा निरीक्षण शाखाका प्राविधिक सहायक सञ्जय चौधरी ३० हजार रूपैयाँ घुससहित विभागकै परिसरबाट पक्राउ परेका छन् । उद्योग नवीकरण गरिदिने भन्दै उनले सेवाग्राहीसँग घुस लिएका अबस्थामा चौधरी पक्राउ परेका थिए ।

रौतहट जिल्ला अदालत, गौरका डिठ्ठा लवकुमार सिंह ५० हजार रूपैयाँ घुससहित पक्राउ पर्दा सशस्त्र प्रहरी बल सुरक्षा बेस नक्टाझिज, धनुषाका सशस्त्र प्रहरी निरीक्षक वकिल अधिकारी ४० हजार रूपैयाँ घुससहित पक्राउ गरेको जनाएको छ । सोनमा गाउँपालिकाका प्रमुख प्रशासकीय अधिकृत श्रीदेव यादवले सडकको अन्तिम भुक्तानी रोकेर बहत्तर हजार घुस लिँदा लिँदै पक्राउ परेका थिए । यस्तै कास्की प्रहरीको मुद्दा फाँटमा कार्यरत प्रहरी वरिष्ठ हवल्दार विष्णु थापा क्षेत्रीले सेवाग्राहीबाट पचास हजार घुस लिइसकेको अवस्थामा पक्राउ परेका हुन । यस्तै प्रहरी वृत्त मालीगाउँ, काठमाडौंका प्रहरी नायव निरीक्षक दिनेश राउत पनि २० हजार रूपैयाँ घुससहित यही बीचमा गहनापोखरीबाट पक्राउ परेका थिए,गत चैत्रमा ।

नयाँ सरकार बने यताको चार महिनामा १८ जना कर्मचारीहरु पक्राउ परेकामा तलब बढाइए यताका ११ दिनमा मात्र ५ कर्मचारी फन्दामा परेका अख्तियारको चार्ज सिर्ट खोतल्दा भेटिन्छ ।