सुमनराज अर्याल अनिवार्य अवकाशमा गएसँगै गोविन्दबहादुर कार्कीलाई मुख्यसचिव बनाइएपछि किरणराज शर्माले पदभार ग्रहणमा अनुपस्थित रहेर मौन विद्रोह गरेकै थिए । गत साता बसेको पहिलो सचिव बैठकसमेत गोविन्द कार्कीका लागि पहिलो गाँसमा ढुङ्गा बन्न पुगेको छ । गत सोमबार बिहान ९ बजे झण्डै डेढ घण्टा चलेको बैठकमा सचिवहरूले मौन विद्रोह गरे । किरणराज ४ साउनमा अवकाशमा गइसकेका छन् ।

बिज्ञापन

तीन सातापछि अनिवार्य अवकाश हसने डा गोविन्दप्रसाद शर्मा पनि राजीनामा दिएर घर फर्किए । यस्तै प्रधानमन्त्री कार्यालयको जगेडाबाट एक महिनाका लागि अख्तियारमा खटाइएका डिल्लीराम शर्मा, गृहसचिव राजकुमार श्रेष्ठ, मुख्य सचिव बन्नबाट रिङ्ग आउट भएका गोपालप्रसाद सिग्देल, रविलाल पन्थ, कृष्णबहादुर राउत, रामेश्वर दंगाल, मुकुन्दप्रसाद निरौला, डा. दिपक काफ्ले, घनश्याम उपाध्याय, लक्ष्मीकुमारी बस्नेत, राधिका अर्याल, सरिता दवाडी, केदारनाथ शर्मा जस्ता सिनियरहरु अगाडिका कुर्सी खाली हुँदाहुँदै हल पछाडिपट्टिको कुर्सीमा बसे ।