अर्थमन्त्री स्वर्णिम वाग्लेले चालु आर्थिक बर्षको बजेट प्रभावकारी रूपमा कार्यान्वयन गर्ने उद्देश्यले योजना आयोगका उपाध्यक्षसहित विभिन्न मन्त्रालयका सचिवहरूसँग उच्चस्तरीय छलफल गरेका छन् ।
अर्थ मन्त्रालयका अनुसार सुवर्ण हलमा बसेको बैठकमा राष्ट्रिय योजना आयोगका उपाध्यक्ष डा। गुणाकर भट्ट, अर्थ सचिव डा घनश्याम उपाध्यायका अलवा पूर्वाधार, उद्योग वाणिज्य, कृषि, स्वास्थ्य, शिक्षा, परराष्ट्र, संस्कृति पर्यटन तथा नागरिक उड्डयन, श्रम, महिला बालबालिका, गृह, एवं रक्षा मन्त्रालयका सचिव एवं प्रतिनिधिको सहभागिता छ।
यस्तै बैठकमा बजेट कार्यान्वयनको वर्तमान अवस्था, मन्त्रालयगत प्राथमिकता, पुँजीगत खर्चको गति, परियोजना कार्यान्वयनमा देखिएका अवरोध तथा समन्वयात्मक उपायबारे विस्तृत छलफल भइरहेको अर्थ मन्त्रालयले जनाएको छ ।

बिज्ञापन