ऋषि धमलाले सरकारलाई ७५ लाख तिर्न बाँकी रहेको भेटिएको छ । लामो समयदेखि भृकुटीमण्डपमा रिर्पोटर्स क्लब सञ्चालन गर्दै आएका धमला अध्यक्ष रहेको उक्त संस्थाले सरकारलाई बुझाउनु पर्ने ७५ लाख रकम नतिरेको भेटिएसँगै आज समाज कल्याण परिषद्ले क्लबसँगै अन्य कार्यालयमा पनि ताला लगाइदिएको छ । परिषद्ले सार्वजनिक सूचना पटकपटक जारी गर्दा पनि बक्यौता नबुझाएको कारण धमलाको क्लबसँगै विभिन्न २० वटा संघ संस्थामा ताला लगाइदिएको छ ।
बिज्ञापन
काठमाडौंको भृकुटीमण्डपमा भाडामा सटल लिएर वर्षौंदेखि भाडा नतिरेपछि आज समाजकल्याण परिषद्ले त्यहाँ ताला लगाइदिएको हो ।
बिज्ञापन
परिषद्को अनुसार,काठमाडौं उपत्यका सार्वजनिक पुस्तकालय समाजको बक्यौता १ करोड ७६ लाख ७० हजार २८१ रुपैयाँ भाडा तिर्न बाँकी छ । यस्तै राष्ट्रिय अपांग महासंघले पनि परिषद्लाई १ करोड १६ लाख ३२ हार २७ रुपैयाँ भाडा बक्यौता रहेको छ भने ऋषि धमला सञ्चालक रहेको रिपोर्टस क्लब नेपालले ७३ लाख ४० हजार ९० रुपैयाँ भाडा बक्यौता रहेको जनाइएको छ ।
यस्तै,तेस्रो नम्बरमा नेपाल राष्ट्रिय मानव अधिकार संरक्षण मञ्चले पनि २१ लाख ८५ हजार ९५७ रुपैयाँ, उपभोक्ता मञ्च नेपालले ४५ लाख ५७ हजार ९०७ रुपैयाँ, लोकतान्त्रिक सहिद तथा घाइते समाजले १४ लाख ६१ हजार ३७०, नेपाल पत्रकार महासंघ काठमाडौं शाखाले ३३ लाख ७ हजार ४२१ रुपैयाँ भाडा तिरेको छैन ।
यसरी भाडा तिर्न बाँकी रहेका अन्यमा जुत्ता,फलफूल तथा खाजा पसलहरु रहेका छन् ।
बिज्ञापन
