दुग्ध विकास संस्थान (डिडिसी) ले लामो समयदेखि गैरहाजिर रहेका एक कर्मचारीलाई सेवाबाट हटाएको छ ।
बिज्ञापन
बिदा स्वीकृत नगराई विगत डेढ वर्षदेखि कार्यालय नगएका जुनियर टेक्निकल असिस्टेन्ट गौरवराम सार्की वर्खास्तीमा परेका हुन् । उनी २०८१ साउन १५ गतेदेखि गैरहाजिर रहेको संस्थानले जनाएको छ ।
बिज्ञापन
सार्कीले कर्मचारी प्रशासन विनियमावली, २०६३ (आठौं संशोधनसहित) विपरीत गतिविधि गर्नुका साथै बारम्बार आचारण र अनुशासनहीन काम र पदीय जिम्मेवारी बेवास्ता गरेको संस्थानले जारी गरेको सूचनामा उल्लेख छ । उनलाई स्पष्टीकरण सोधिएकोमा सन्तोषजनक जवाफ नदिएको सूचनामा जनाइएको छ ।
संस्थानका अनुसार २०८१–०४–१५ गगेदेखि ०८२–१०–२६ गतेसम्मको गयलकट्टा गरी उनलाई सेवाबाट हटाइएको हो । सूचनामा भनिएको छ, ‘मिति २०८१–०४–१५ गतेदेखि मिति २०८२––१०–२६ गतेसम्म गयलकट्टा गरी ऐ।विनियम १३५ को उपविनियम (१) बमोजिम तपाईंलाई भविष्यमा संस्थानको सेवाको निमित्त अयोग्य नठहरिनेगरी मिति ०८२–१०–२६ गतेको निर्णयानुसार मिति ०८०–१०–२७ गतेदेखि लागू हुनेगरी संस्थानको सेवाबाट हटाइएको जानकारी गराइन्छ ।’
बिज्ञापन
