जिल्ला निर्वाचन आयोगको कार्यालय खोटाङले निर्वाचनमा खटिएका कर्मचारीहरुलाई घरैबाट खाना खाएर आउन सूचना नै जारी गरेको छ ।
बिज्ञापन
कार्यालयले फागुन २१ को निर्वाचनका लागि खटिएका कर्मचारीहरूबीच खानाको विषयलाई लिएर अन्योल भएको भन्दै औपचारिक रुपमा सूचना नै जारी गरेको हो ।
बिज्ञापन
जिल्ला निर्वाचन अधिकारी रविन मगरका अनुसार, निर्वाचनमा खटिने मतदान अधिकृत र सहायक मतदान अधिकृतहरूका लागि आयोजना गरिएको अभिमुखीकरण कार्यक्रममा सहभागी हुन आउँदा खाना खाएर आउने कि नखाई भन्ने विषयमा कर्मचारीहरूबाटै व्यापक जिज्ञासा उत्पन्न भएपछि कार्यालयले खाना खाएरै आउन सूचना जारी गरेको हो ।
सूचनामा भनिएको छ,आगमी फागुन १४ र १५ गते बिहान ८ः३० बजेदेखि कार्यक्रम सुरु हुने भएकाले सबै सहभागीलाई घरबाटै खाना खाएर उपस्थित हुने व्यहोरा स्पष्ट पारिन्छ ।’
बिज्ञापन
बिहानको खाना घरैबाट खाएर आउन भनिए पनि दिउँसोको खाजा भने जिल्ला निर्वाचन कार्यालयले नै उपलब्ध गराउने सूचनामा उल्लेख छ ।
