रासुवा — एक साताअघि कालिका गाउँपालिका–१ का वडाअध्यक्ष दावा तामाङ नेपाली कांग्रेसमा प्रवेश गरेका छन्। तत्कालीन नेकपा (माओवादी केन्द्र)बाट निर्वाचित तामाङले नेपाली कांग्रेसका उम्मेदवार इन्जिनियर मोहन आचार्यलाई समर्थन गर्दै पार्टी परिवर्तन गरेका हुन्।
बिज्ञापन
तामाङले स्थानीय विकास, सुशासन र समन्वयका लागि कांग्रेससँग सहकार्य आवश्यक ठानेर प्रवेश गरेको बताएका छन्। उनका अनुसार अब गाउँपालिकामा विकास निर्माणका कामलाई प्रभावकारी रूपमा अगाडि बढाउन आफू कांग्रेससँग मिलेर काम गर्नेछन्।
बिज्ञापन
यसैबीच, आज उत्तरगया गाउँपालिका–४ का नेकपा (एमाले)सँग आवद्ध बुद्धि बहादुर ब्लुन र अकल बहादुर ब्लुन पनि नेपाली कांग्रेसमा प्रवेश गरेका छन्। उनीहरूलाई आचार्यले स्वागत गरेका थिए।
कांग्रेस प्रवेश गर्ने क्रम बढ्दै गएको भन्दै स्थानीय कांग्रेस नेताहरूले यसलाई संगठन सुदृढीकरण र आसन्न निर्वाचन तयारीसँग जोडेर हेरेका छन्। अन्य दलबाट समेत कांग्रेसमा प्रवेशको क्रम जारी रहने दाबी उनीहरूले गरेका छन्।
बिज्ञापन
