जेनजी आन्दोलनको चार महिनामै हजारौं प्रहरीले जागिर छोडेका छन् । गत भदौं २३ २४ को जेनजी विद्रोह यतामात्र ९२६ जनाले राजीनामा दिएको प्रहरीको तथ्यांक छ । यसरी जागिर छोड्नेको संख्या पछिल्लो पाँच बर्षमा मात्र पाँच हजार बढी रहेको प्रहरीले जनाएको छ । आर्थिक वर्ष २०७७/०७८ देखि २०८१/०८२ सम्म चार हजार ९९९ जनाले राजीनामा दिएको प्रहरी हेडक्वार्टरले जनाएको छ ।
बिज्ञापन
गएको वर्ष दुई हजार ३७३ जनाले राजीनामा दिए । त्यसपछि आव २०८०–०८१ मा सात सय ९१, २०७९–०८० मा ६ सय ३३, २०७८–०७९ मा चार सय ९९ र २०७७–०७८ मा सात सय तीनले जागिर छोडेको तथ्यांक छ ।नेपाल प्रहरीका अनुसार पछिल्लो पाँच वर्षमा पाँच हजार बढीले जागिर छोडेका छन् । तथ्यांकअनुसार गत वर्ष सबैभन्दा धेरैले जागिर छोडेका थिए । यसरी पछिल्लो पाँच बर्षको आँकडा हेर्दा पाँच हजारले जागिर छाडेका छन् ।
बिज्ञापन
प्रहरी प्रधान कार्यालयका अनुसार चालु आर्थिक वर्ष २०८२–०८३ को पछिल्लो ६ महिनामा नौ सय बढीले जागिर छोडेका छन् । गत साउनदेखि पुस २४ गतेसम्म ९२६ जनाले राजीनामा दिएको तथ्यांक छ । गत भदौ २३ र २४ गतेको आन्दोलनपश्चात् राजीनामा दिने प्रहरी बढेका हुन् । साउनदेखि भदौ २४ गतेसम्म आठ जना मात्र जागिर छोडेकोमा जेनजी आन्दोलनपछि ह्वात्तै बढेको हो । आन्दोलनको पछिल्लो चार महिनामै नौ सय प्रहरीले जागिर छोडेका छन् ।
भदौ २४ गतेदेखि गत पुस २४ गतेसम्म नौ सय १८ जनाले राजीनामा दिएको देखिन्छ । सामान्य नागरिकलाई प्रहरी बनाउन राज्यले ठूलो लगानी र समय खर्चिएको हुन्छ । नौ महिनादेखि डेढ वर्षसम्मको तालिमपछि सेवामा खटाइन्छ । एक जना प्रहरीको तालिम र वृत्ति विकासमा राज्यको तीन लाखदेखि दश लाख रूपैयाँसम्म खर्च हुन्छ । यसरी उत्पादित जनशक्तिले बीचमै जागिर छाड्दा राज्यको लगानी ‘बालुवामा पानी’ सरह भइरहेको छ ।
बिज्ञापन
