सरकारले तीन जना सचिवहरुको सरुवा गरेका छ ।
सरुवा भएका सचिवहरुमा गृह,रक्षा र राष्ट्रिय योजना आयोगका सचिवहरु रहेका छन् ।
बिज्ञापन
जस अनुसार, गृह सचिव गोकर्णमणि दुवाडीलाई राष्ट्रिय योजना आयोगमा पुर्याइएको छ भने गृहमा रामेश्वर दंगाललाई ल्याइएको छ। दंगाल अहिले रक्षा सचिवको भूमिका थिए । यस्तै रक्षामा सचिव सुमनराज अर्याललाई लगिएको छ । अर्याल राष्ट्रिय योजना आयोगमा कार्यरत थिए ।
बिज्ञापन
गृह सचिवलाई हटाउने तयारी भइरहेको बिषयमा कर्मचारी प्रेसले हिजै समाचार प्रकाशन गरेको थियो । दुवाडी रमेश लेखक गृहमन्त्री हुँदा गत बर्ष भदौं २१ मा गृह सचिवको रुपमा दुवाडीलाई लगिएको थियो । करिब १३ महिना पछाडि भएको सरकार परिवर्तन सँगै दुवाडीलाई गृहबाट योजना आयोगमा सारिएको हो । उनी गृह सचिव हुँदा नै भिजिट भिसा प्रकरणमा उनैले रोजेर पठाएका सहसचिव तिर्थराज भट्टराई मुछिएका थिए । यस्तै कर्मचारी सरुवामा समेत गृह आफैले बनाएको कार्यविधि विपरित कर्मचारी खटन पटन गरिएको कारण दुवाडीको भूमिकामाथि प्रश्न उठ्दै आएको थियो । दुर्गा प्रसाईको आन्दोलनमा भएको जन धनको क्षति र गत भदौं २३ र २४ मा भएको जेनजीहरुको आन्दोलनको क्रममा भएको जन धनको क्षतिमा समेत गृह प्रशासनको कमजोर कमाण्ड नै प्रमुख कारण मानिदैं आएको छ । दुवाडी अबको दुई महिना पछाडि नै मुख्य सचिव एकनारायण अर्यालसँगै अनिवार्य अवकाशमा जाँदैछन् ।
बिज्ञापन
