अख्तियार दुरुपयोग अनुसन्धान आयोगले एक करारका कर्मचारीविरुद्ध भ्रष्टाचार मुद्धा दायर गरेको छ । १३ हजार घुस रहक सहित पक्राउ परेको चार साता पछि आज विशेषमा मुद्धा लगेको हो ।
बिज्ञापन
अख्तियारले गत साउन २६ मा नापी कार्यालय काठमाडौँ, कलंकीका कार्यालय सहयोगी एकेन्द्र कुँवरलाई १३ हजार घुस रकमसहित पक्राउ गरेको थियो । चन्द्रागिरी नगरपालिका १३ मा रहेको जग्गा हालसाविक गरी नयाँ पुर्जा बनाइदिने भन्दै सेवाग्राहीसँग १३ हजार रुपैयाँ घुस लिँदै गर्दा अख्तियारको टोलीले उनलाई नियन्त्रणमा लिएको थियो ।
बिज्ञापन
अख्तियारले कलंकी नापी कार्यालयका प्रमुखको २ थान मोबाइल, सर्भेक्षकको एक थान र कार्यालय सहयोगी कुँवरले घुसवापत लिएको १३ हजार रुपैयाँका साथै उनको १ थान मोबाइल नियन्त्रणमा लिएर अनुसन्धान गरिरहेको थियो । कार्यालय सहयोगीको घुसको कनेक्सन कार्यालय प्रमुख केशव लेखकसम्मै रहेको आशंकामा उनको मोवाइल समेत बरामद भएको थियो । लेखक गृहमन्त्रीका नातेदार हुन ।
अख्तियारले रंगेहात पक्राउ गरेको चार साता पछि विशेषमा मुद्धा लगेको हो । अनुसन्धानपछि उनीमाथि भ्रष्टाचार निवारण ऐन, २०५९ बमोजिमको कसूर देखिएको भन्दै अख्तियारले बिगो १३ हजार कायम गरी कैद सजाय र सोही रकम बराबरको जरिवानाको मागसहित आरोपपत्र दायर गरेको हो।
बिज्ञापन
