सरकारले निजामती कर्मचारी परिचालन गरेर भए पनि कक्षा १२ को परीक्षा तोकिएकै समयमा सञ्चालन गर्ने तयारी गरेको छ । झण्डै तीन सातादेखि शिक्षक आन्दोलनका कारण कक्षा १२ को प्रभावित हुने स्थिति बनेपछि परीक्षा निर्धारित समयमा गराउने तयारी स्वरुप निजामती कर्मचारी खटाउन लागिएको हो ।
बिज्ञापन
बिज्ञापन
आज बिहान बसेको राष्ट्रिय परीक्षा बोर्डको बैठकले परीक्षा नरोक्ने र तोकिएकै समयमा सञ्चालन गर्ने निर्णय गरेको हो । लोकसेवा आयोगको परीक्षा सञ्चालन गर्न सक्ने कर्मचारीले १२ कक्षाको परीक्षा सञ्चालन गर्न नसक्ने कुरै हुँदैन । जिल्ला जिल्लामा प्रमुख जिल्ला अधिकारीले कर्मचारी परिचालन गरेर, नेपाल सरकारले जिम्मा लिने गरी तोकिएकै समयमा परीक्षा लिने निर्णय भएको छ । त्यही कारण प्रमुख जिल्ला अधिकारीको संयोजकत्वमा जिल्ला परीक्षा समन्वय समितिलाई सम्पूर्ण जिम्मा दिएर परीक्षा सञ्चालन गर्न लागिएको हो ।
कक्षा १२ को वार्षिक परीक्षा यही वैशाख ११ गतेदेखि २४ गते सकिने तालिका बोर्डले सार्वजनिक गरेको छ। झण्डै साढे ५ लाख विद्यार्थीहरु परीक्षामा सामेल हुँदैछन् ।
बिज्ञापन
