बिज्ञापन

बिज्ञापन

केहि दिन अघिमात्र प्रधानमन्त्री कार्यालयबाट सवै सरकारी निकायहरुलाई एकीकृत सेवा रुपान्तरण योजना पेश गर्न निर्देशन दिइएको थियो । सो निर्देशनसँगै महानिर्देशक श्रवण कुमार पोखरेलले राष्ट्रिय कितावखानामा अनलाईन, लाइभ सेवा संचालन,ई सर्भिस,फेसलेस सर्भिसको रुपमा अनलाइन सिटरोल केही दिनभित्रै दर्ता सेवा सुचारु हुने गरी काम गरिरहेको जनाएका छन् ।
भविष्यमा राष्ट्रिय कितावखानाको सेवालाई  एउटै काउन्टरबाट सबै सेवा पुर्याउने दिर्घकालिन सोचका साथ आफ्नो टिम अघि बढेको र यस्को प्रस्थान बिन्दुको रुपमा तिन वटा कृयाकलाप आफ्नो प्राथमिकतामा परेको पोखरेल को भनाई रहेको छ ।

उनका अनुसार, एक बर्ष देखि डाउन भइ भै काम नलाग्ने अवस्थामा रहेको पिआइएस लाई पुन: लाइभ सञ्चालनमा मा ल्याउने , दोस्रो : सम्पुर्ण भौतिक फाइललाई डिजिटलाइज गर्ने र तेस्रो :  पिआइएसलाई किन्तु /परन्तु नभनि on time update गर्ने कार्य ! यि तिन वटै कार्य आफ्नो टिमले शुरु गरिसकेको पोखरेलले बताए ।

आफ्नो बिभागको मुख्य लाभग्राहि नै बहालवाला कर्मचारी , सेवा निबृत कर्मचारी र तिनका आशृत परिवार रहेकोले उनिहरुले सास्ति र हैरानी खेप्नु नपर्ने गरि आफुले बिभागमा सुधार थालेको महानिर्देशक पोखरेल बताउँछन् ।

अवको अधिकतम ४५ दिन भित्र प्रत्यक्ष सेवामा प्रवेश गरेपछि कर्मचारीले आफ्नो बिवरण आफै हेर्न सक्ने , डाउनलोड गरि पृन्ट गर्न सक्ने , घरै बाट सिटरोल दर्ता गर्न सक्ने , सरोकारवाला निकायको पनि बिभागको सुचनामा सोझै पहुच हुने , नागरिक एप लगयत अन्य सरकारी प्रणाली संग पनि आवद्वता बिस्तार हुने बिस्वास बिभागको रहेको छ ।

संघीय मामिला तथा सामान्य प्रशासन मन्त्रालय मातहतको बिभागको रुपमा रहेको राष्ट्रिय कितावखानाले भावि सेवा सुधारका संबन्धमा राय / सुझाव संकलन गर्न आफ्नो वेव मार्फत भर्खरै  क्यु आर कोड पनि सार्वजनिक गरेको छ । सरोकारवाला ब्याक्ति वा निकायबाट क्यु आर कोड मार्फत सहजै सुझाव प्राप्त हुने महानिर्देशक पोखरेलको अपेक्षा रहेको छ ।