सर्वोच्च अदालत बार एसोसिएसनको निर्वाचनमा एमाले पत्ता साफ भएको छ । हिजो भएको निर्वाचनमा नेपाली काँग्रेस र नेकपा एकीकृत समाजवादी निकटका अध्यक्षमा मेघराज पोखरेल विजयी भएका छन्। शनिबार सम्पन्न भएको निर्वाचनबाट निकटतम प्रतिद्वन्द्वी महेश कुमार थापालाई पराजित गर्दै उनी विजयी हुन् । पोखरेलले ३६८ मत प्राप्त गरे।
प्राप्त अन्तिम परिणामअनुसार अध्यक्षमा वरिष्ठ अधिवक्ता मेघराज पोखरेल ३६८ मतसहित निर्वाचित भएका छन् ।निकटतम प्रतिद्वन्दी वरिष्ठ अधिवक्ता महेशकुमार थापाले १८१ र अर्का उम्मेदवार अधिवक्ता प्रेमसिंह धामीले १५ मत प्राप्त गरेका छन्।
बिज्ञापन
त्यसैगरी उपाध्यक्षमा अधिवक्ता अम्मरबहादुर राउत ३४६,सचिवमा अधिवक्ता रमणकुमार कर्ण ३३९, सहसचिवमा अधिवक्ता पुन्देवी अर्याल महर्जन ३३७ र कोषाध्यक्षमा रामचन्द्र पौडेल ३४० मत ल्याएर विजयी भएका छन् ।
बिज्ञापन
महिला सदस्यमा अधिवक्ता शशी बस्नेत,वरिष्ठ अधिवक्ता दुर्गामोहन श्रेष्ठ, वरिष्ठ अधिवक्ता इन्द्रशेखर खड्कासहित अधिवक्ताहरु प्रदीपकुमार श्रेष्ठ, नागेश्वरप्रसाद चौधरी, निर्मलप्रसाद उपाध्याय, ओमकृष्ण श्रेष्ठ,प्रमोद रेग्मी, प्रदीपकुमार राजवंशी र सतिशराज मैनाली पनि आएका छन् । यसरी निर्वाचित हुने पदाधिकारीमध्ये सतिशराज मैनाली एमालेनिकट हुन् ।
नेपाल पत्रकार महासंघको निर्वाचनमा एमालेले नेपाली काँग्रेससँग गठबन्धन गरेर निर्वाचन जितेको थियो भने नेपाल नर्सिङ संघको निर्वाचनमा भने एमालेले माओवादीसँग तालमेल गरेको थियो । सोही शैली अपनाएको भए पनि काँग्रेस एकीकृत समाजवादीका वकिलहरुले निर्वाचन जितेका हुन । सर्वोच्च वारमा काँग्रेस निकट प्रजातान्त्रिक धारका वकिलहरुको वर्चश्व रहेको छ । उच्च अदालत पाटनमा एमाले निकट,काठमाडौं बारमा काँग्रेस निकट र ललितपुर वारमा माओवादी निकट वकिलहरुको वर्चश्व रहेको छ ।
यस्तो समयमा बृहत लोकतान्त्रिक,समाजवादी,समावेशी पेशागत कानुन व्यवसायीहरु एकातिर र एमाले–माओवादी गठबन्धन अर्कोतिर भएर चुनावी प्रतिष्प्रर्धामा होमिएका थिए ।
बिज्ञापन
