सरकारी कार्यालयमा सेवा लिन पुगेका सेवाग्राहीहरु कर्मचारीको व्यवहारका कारण हैरानी खेपिरहेको अनेकन गुनासो सुनिन्छ । तर केही यस्ता कार्यालय पनि छन्,जहाँ सेवा लिन पुगेका कर्मचारीलाई खादा र मालासहित सम्मान गरिएको छ । यस्तो अनुकरणीय काम गरेको छ,कोटेश्वर कर कार्यालयले ।
बिज्ञापन
उक्त कार्यालयले सेवा लिन पुगेका सेवाग्राहीलाई टीका र मालासहित सम्मान गरेको हो । सरकारले हरेक बर्ष १ देखि ७ मंसिरसम्म राष्ट्रिय कर दिवस मनाउँदै आएको छ ।यस बर्ष कर प्रणालीको सार, लगानीको आधार भन्ने नाराका साथ १३ औं राष्ट्रिय कर दिवश सप्ताह व्यापी विभिन्न कार्यक्रमहरुको आयोजना गरि मनाईदैछ । सोही अवसरमा कोटेश्वर कर कार्यालयले पहिलो सेवाग्राहीलाई खादा र मलासहित सम्मान गरेको हो ।
बिज्ञापन
कोटेश्वरले राष्ट्रिय कर सप्ताहको पहिलो सेवाग्राहीलाई सम्मान गरेको हो । कार्यालयको पहिलो सेवाग्राहीको रुपमा रुपमा व्यवसायिक स्थायी लेखा नम्वर लिन आउने सेवाग्राही अभिषेक फुँयालालाई टिका र खादा लगाई प्रमुख कर अधिकृत गगन बहादुर वि के ले दर्ता प्रमाणपत्र हस्तान्तरण गरेका हुन ।
बिज्ञापन
मंसिर १ गते देखी ७ गते सम्म सप्ताह व्यापी करदाता सुचना केन्द्र सञ्चालन गर्ने, कार्यक्षेत्र अन्तर्गतका कलेजमा कर सम्बन्धी अनुशिक्षण सञ्चालन गर्ने लगायतका विभिन्नका सचेतनामुलक र सहभागिता मुलक कार्यक्रमहरु आयोजना गरि मनाईने प्रमुख कर अधिकृत गगन बहादुर वि के ले जनाएका छन् ।
अहिलेको कर प्रशासन करदाता मैत्री रहकोले करदाताहरूमा कर प्रशासनप्रतिको धारणामा परिवर्तन आएको र यसैलाई मूर्तरूप दिन र अरू करदातालाई पनि स्वयं कर सहभागितामा सहभागी गराउने, प्रोत्साहान दिने उद्देश्यले बढी कर तिर्ने र इमानदार करदातालाई पुरस्कृत गर्ने र सम्मान गर्ने गरेको समेत जनाएका छन् ।
