‘हनी ट्रयाप’ गिरोहसँग मिलेमतो गरेको आरोप लागेकी प्रहरी प्रभाग भैँसेपाटीकी तत्कालीन प्रमुख प्रहरी निरीक्षक (इन्स्पेक्टर) बिनुकुमारी शाही फरार भएकी छन् ।
बिज्ञापन
ललितपुर प्रहरी परिसरले उनीमाथि अनुसन्धान गर्न जिल्ला अदालत ललितपुरबाट पक्राउ अनुमति मागेको थियो । अदालतले इन्स्पेक्टर शाहीविरुद्ध पक्राउ पुर्जी जारी गरेसँगै उनी फरार भएकी हुन् ।
बिज्ञापन
उक्त प्रतिवेदनका आधारमा इन्सपेक्टर शाहीका सवारी चालकसमेत रहेका सहायक हवल्दार महेन्द्र हमाललाई पक्राउ गरिसकेको ललितपुरका प्रहरी प्रमुख एसएसपी शेखर खनालले बताए।
प्रहरी निरीक्षक शाही र उनका सवारी चालक हमाललाई निलम्बन गरिसकिएको छ। हमाललाई पक्राउ गरेर गत शुक्रबार नै हिरासतमा राखिएको छ।
बिज्ञापन
भैँसेपाटी प्रभागमा ल्याएपछि व्यवसायीले आरोपित समूहलाई ३० लाख रुपैयाँ दिएको र रकम बुझाउन जाँदा इन्सपेक्टर शाहीका सवारी चालक पनि साथै गएको खुलेको छ। यस गिरोहसँग प्रहरीसमेत मिलेर व्यवसायीबाट रकम असुलेको छानबिन समितिको ठहर छ।
यस गिरोहको जालमा ललितपुरका घरजग्गा व्यवसायी परेका थिए। उनी युवतीलाई भेट्न सुनसरीसम्म पुगेको र पूर्वका केही जिल्ला यी युवतीहरूसँग घुमफिर गरेको पाइएको छ।
