संसदीय सुनुवाइ समितिले महालेखापरीक्षकमा सिफारिस भएका तोयम रायालाई सर्वसम्मतीले अनुमोदन गरेको छ ।
बिज्ञापन
रायाविरुद्ध उजुरीको समयसीमा सकिएपछि संसदीय सुनुवाइ समितिले रायाको सुनुवाइ प्रक्रिया अगाडि बढाउँदै उनको नाम सर्वसम्मतीले अनुमोदन गरेको जनाइएको छ । रायमाथि दुई वटा उजुरी परेका थिए । एउटा उजुरी ट्रान्सपरेन्सी इन्टरनेशनल नेपालको तर्फबाट थियो । उक्त उजुरीमा राया महालेखापरीक्षक हुनु प्रत्यक्ष स्वार्थ जोडिने भएकाले नियुक्तिका लागि अनुमोदन नगर्न आग्रह गरिएको थियो ।
बिज्ञापन
गत १८ को संवैद्यानिक परिषद्को बैठकले रायालाई महालेखा परीक्षकमा सिफारिस गरेको थियो । प्रस्तावित महालेखापरीक्षकमा रायाको नाम सर्वसम्मतीले अनुमोदन गरेको हो । समितिका सभापति पशुपति शमशेर जबराले रायको नाम सर्वसम्मतीले अनुमोदन गरेको जानकारी दिएका छन् ।
उनका अनुसार,प्रस्तावित रायाले १५ पेजको कार्ययोजना प्रस्तुत गर्दै बेरुजू कम गर्नका लागि काम गर्ने प्रतिबद्धता व्यक्त गरेका थिए ।
