लुम्बिनी प्रदेशको मुख्यमन्त्रीमा नेकपा माओवादी केन्द्र संसदीय दलका नेता जोखबहादुर महराले नया सरकार गठनका लागी आज बहुमत सदस्यको हस्ताक्षर सहति प्रदेश प्रमुख अमिक शेरचन समक्ष आफ्नो दाबी पेस गरेका छन् । उनलाई मुख्यमन्त्री बनाउन नेकपा एमालेका २९, माओवादीका १०, जनता समाजवादी पार्टीका ३, एकीकृत समाजवादी १ र एकजना स्वतन्त्र प्रदेशसभा सदस्यसहित ४४ जनाले हस्ताक्षर गरेका छन् । दाबी पेश गरिएपछि प्रदेश प्रमुख अमिक शेरचनले महरालाई शुक्रबार नै मुख्यमन्त्री नियुक्त गर्ने तयारी गरेका छन् ।
बिज्ञापन
लुम्बिनी प्रदेशका मुख्यमन्त्री डिल्ली चौधरीले बिहीबार पदबाट राजीनामा दिएका थिए। उनले बिहीबार प्रदेश सभाको बैठकलाई सम्बोधन गर्दै पदबाट राजीनामा दिएका थिए । फागुन २१ गते एमाले र माओवादीसहित पाँच दल मिनेर नयाँ गठबन्धन बनेसँगै माओवादिले सरकार लाई दिएको समर्थन फिर्ता लिएपछि चौधरी सरकार अलपमतमा परेको थियो । मुख्यमन्त्री चौधरीसँग विश्वासको मत लिने या राजीनामा दिने दुई विकल्प भएपनि उनले संसद्को फेस नगरी पद बाट हिजो राजिनामा दिएका हुन् ।
बिज्ञापन
यसअघि बिहीबार नै लुम्बिनी प्रदेश सरकारका कृषि तथा भूमि व्यवस्थापनमन्त्री भण्डारीलाल अहिरले पनि राजीनामा दिएका थिए । नयाँ सत्ता गठबन्धनमा समावेश जसपाले मुख्यमन्त्री चौधरीलाई विश्वासको मत नदिने भएपछि अहिरले राजीनामा दिएका थिए । २०८० वैशाख १४ गते मुख्यमन्त्रीमा नियुक्त भएका चौधरीले १९ गते विश्वासको मत लिएका थिए । नया गठबन्दनले मन्त्रालय भागबण्डामा मोटामोटि सहमति गरेपनि कसले कुन मन्त्रालय लिने बिषयमा अझै निर्णय भैनसकेको स्वतन्त्र सांसद खड्ग बस्नेतले बताए ।
बिज्ञापन
