बिज्ञापन

बिज्ञापन

सिनियर मिटररिडर र सहायक लेखापाल पदमा सिफारिस भएका छ जनाले नियुक्ति पत्र नबुझेपछि प्राधिकरणले आज सूचना जारी गर्दै १५ दिनभित्र नियुक्ति पत्र लिन सूचना गरेको छ ।

नियुक्ति नलिनेमा विराटनगरका कृष्णकुमार साह, काठमाडौंका वसन्तकुमार साह, पोखराका सुशिलकुमार साह, बुटवलका झविन्द्र पौडेल, कमलेशकुमार महतो र काठमाडौंका पुष्पकमल उपाध्याय रहेका छन् ।

सूचनामा भनिएको छ, ‘नेपाल विद्युत प्राधिकरणको स्थायी सेवामा नियुक्तिका लागि सिफारिस भएका तपसिलबमोजिमका उम्मेदवारहरुले नेपाल विद्युत प्राधिकरण, कर्मचारी सेवा, शर्त विनियमावली २०७५ (संशोधनसहित) मा तोकिएको अवधिभित्र नियुक्ति पत्र लिन नआएको हुँदा सोही विनियमावलीको विनियम ३४ ९२० बमोजिम यो सूचना प्रकाशित भएको मितिले १५ दिनभित्र नियुक्ति पत्र लिन आउन सूचित गरिन्छ ।’

यस अघि सडक विभागमा नाम निकालेर पनि जागिर खान नआएपछि विभागले यस्तै सूचना प्रकाशन गरेको थियो । गत मंसिर १० गते सडक विभागले यस्तै सूचना निकालेर नाम निकालेका ९ कर्मचारीलाई जागिर खान आइदिन आग्रह गरेको थियो ।
सडक विभागले नियुक्ति लिन नआएकाहरु ७ जना पुरुष र २ महिलालाई नियुक्ति लिनका लागि सार्वजनिक रुपमै सूचना निकालेको थियो ।