गृह मन्त्रालयले ९ जना उपसचिवहरुको सरुवा गरेको छ । मन्त्रालयले बुधबारको निर्णय अनुसार ९ उपसचिवको सरुवा गरेको हो ।सरुवाका सूची अनुसार ४ उपसचिवलाई अध्यागमनमा खटाइएको छ भने २ जना अध्यागनबाट गृह मन्त्रालयमा तानिएको छ । यस्तै एक उपसचिवलाई इलाका प्रशासन कार्यालयमा खटाइएको भने एकको राष्ट्रिय परिचयपत्र तथा पञ्जिकरणमा पदस्थापन गरिएको छ ।
सरुवाको सूची अनुसार विजया कुमारी प्रसाईलाई इलाका प्रशासन कार्यालय साँखुमा पठाइएको छ भने सीता परियारलाई इलाका प्रशासन कार्यालय साखँुबाट गृहबाट अध्यागमन कार्यालय त्रिअबीमा पठाइएको छ ।
बिज्ञापन
यस्तै शिवराज सेढाईलाई राष्ट्रिय परिचयपत्र तथा पञ्जिकरणको निर्देशकको रुपमा पदस्थापन गरिएको गृहले जनाएको छ ।
भोजपुरमा सहायक प्रमुख जिल्ला अधिकारीको रुपमा कार्यरत मनिता श्रेष्ठलाई अध्यागमन कार्यालय त्रिभुवन विमानस्थलमा बरिष्ठ अध्यागमन अधिकृतको रुपमा खटाइएको छ भने त्यहाँ कार्यरत झंकनाथ ढकाललाई गृहमा ल्याइएको छ ।
बिज्ञापन
यस्तै,रेवतीरमण शर्मालाई जिल्ला प्रशासन कार्यालय सप्तरीको सहायक प्रमुख जिल्ला अधिकारीबाट सरुवा गरेर अध्यागमन कार्यालय,तातोपानी सिन्धुपाल्चोकमा पठाइएको छ ।
पुष्कर राना जिल्ला प्रशासन कार्यालय जाजरकोटबाट अध्यागमन कार्यालय त्रिभुवन विमानस्थल कार्यालयमा पठाइएको छ । मोहन न्यौपानेलाई जिल्ला प्रशासन कार्याल्य अछाममा खटाइँदा कृष्णप्रसाद गैरे अध्यागमनबाट गृहमा तानिएको छ ।
बिज्ञापन
