अर्थमन्त्री बर्षमान पुनले अर्थका सहसचिवहरुलाई यता उता पारेका छन् । अगामी जेठ १५ गते सार्वजनिक गर्नु पर्ने आगामी आर्थिक वर्षको बजेट निर्माणका साथै वर्षको नीति तथा कार्यक्रम र बजेट निर्माणको संघारमा अर्थमन्त्री बनेका वर्षमान पुन आफ्नो नयाँ टिम निर्माण गरेका हुन ।
बिज्ञापन
जस अनुसार बजेटको संघारमा अर्थमन्त्री पुनले अर्थ मातहतका दुई महत्वपूर्ण विभागको कमाण्डरहरु हेरफेर गरेका छन् । अघिल्लो साताको क्याविनेटले ५ सहसचिवहरुको सरुवा गरेको थियो । जसमा अर्थबाट दुई सहसचिव बाहिरिएका थिए । आन्तरिक राजश्व विभागको महानिर्देशक भुपाल बराललाई वन मन्त्रालयमा खटाइएको थियो । उक्त स्थानमा शिवलाल तिवारीलाई खटाइएको छ । तिवारी वन विभागबाट हालैमात्र अर्थमा इन्ट्री मारेका सहसचिव हुन । शिवलाल अफिसर हुँदा राजश्व,उपसचिव हुँदा लेखामा काम गरेका कर्मचारी हुन ।
बिज्ञापन
त्यसैगरी भन्सार विभागको महानिर्देशक शोभाकान्त पौडेललाई सार्वजनिक वित्त व्यवस्थापन तालिम केन्द्रमा पठाएर भन्सारको महानिर्देशकका रुपमा ढुण्डी प्रसाद निरौलालाई खटाइएको छ । यद्यपि ढुण्डिले उक्त ठाउँमा जाने इच्छा देखाएका छैनन् । उनी आफू मन्त्रालयमै बसेर काम गर्ने बताउँदै आएका छन् ।
यस्तै राजश्व व्यवस्थापन महाशाखा प्रमुख रहेका रितेश कुमार शाक्यलाई बजेट तथा कार्यक्रम महाशाखामा सारिएको छ भने यस अघि बजेटमा रहेका उत्तर कुमार खत्रीलाई योजना, अनुगमन तथा मूल्याङ्कनमा पठाइएको छ । यस्तै धनिराम शर्मालाई शाक्यलेह हेर्दै आएको राजश्व व्यवस्थापन महाशाखा प्रमुखमा राखिएको छ । यस्तै रामप्रसाद अचार्य पनि मन्त्रालयमा भित्रिएका छन् ।
बिज्ञापन
