बिज्ञापन

बिज्ञापन

अर्थ मन्त्रालयमा ३ सहसचिव आएका छन्। नेपाल पर्यटन तथा होटेल व्यवसाय प्रतिष्ठानका सहसचिव ढुण्डी प्रसाद निरौला, वन तथा वातावरण मन्त्रालयका शिव लाल तिवारी र प्रधानमन्त्री तथा मन्त्रिपरिषद्को कार्यालयका सहसचिव नारायण प्रसाद सापकोटाको अर्थ मन्त्रालयमा सरुवा भएको हो । उनीहरुको जिम्मेवारी भने तोकिन बाँकि छ । अर्थको सचिव कृष्णहरि पुष्कर नै रेड जोनमा छन् ।
यस्तै अर्थमा अहिले सहसचिवहरु उत्तर कुमार खत्री, डा टोकराज पाण्डे, नारायण प्रसाद रिसाल, महेश आचार्य, जनकराज शर्मा, श्रीकृष्ण नेपाल र धनिराम शर्माका अलवा रितेश शाक्य, इश्वरीप्रसाद अर्याल लगायत छन्।

आन्तरिक राजश्व विभागकै दुई सहसचिव पद रिक्त छ । नयाँ बजेट लेखनका काम शुरु गर्ने समय भएको कारण बर्षमान पुन बजेट लेखनको कोर टिम बनाउन खोज्दैछन् ।

मन्त्रालय अन्तर्गत आन्तरिक राजस्व विभाग र भन्सार विभागको मुख्य आकर्षण हुने भएकाले केहि सहसचिवहरुले लबिङ सुरु गरेका हुन् ।

अहिले अर्थका सचिव, सहसचिव,विभागीय प्रमुखहरु समेत कुन बेला सरुवा हुने हो भन्ने त्रासमा काम गरिरहेका छन । अर्थमात्र होइन मन्त्री फेरिएसँगै सिंहदरबारभित्रका अधिकांश मन्त्रालयका सचिवदेखि सहसचिवसम्मका कर्मचारीहरुमा अहिले सरुवाको त्रास छाएको छ ।
अघिल्लो सातादेखि नै आधा दर्जन सचिवहरुको सरुवा हुने हल्ला व्यापक चलिरहेको छ ।